ـــــــــــــــــــ عيــال وايل ـــــــــــــــــــــــ

[ثاني الدهمشي]

هذه قصيدة أتت بعد موقف ..وهي رد لكل من يحاول ان يمس عنزه ليس فقط الذي قصدته هنا ..



:

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ياللي جلســت وجبت طاري القـبايل=من جبت هالطاري وانا معك بإجـدال
ويوم ان هرجك صار مامن صمايل=إلى هــنا عــاد انثــبر واغــد رجّـــال
أنا ترانــــي من كبـــــار الحمــــايل=ناسٍ لنــــا في قمــة المجـــد منــــزال
ربعــي بنــي وايل وإذا قـلت : وايل=يوقف لنا التــاريخ وليــا وقــف قــال:
أشهــــد لكـم في طيبــكم والفعــــايل=والمجـــد من وايـل إلــى اليـوم لا زال
اللي يبالــشنا يشــــوف الهـــــــوايل=واللــي يقـــــدّرنا نقـــــــدّرْه بأدبــال
ما انعيل وان جانا مع الوقــت عايل=نْشـــرّبه من دلــة المــــــــوت فنـجال
اللي نبـــي ما ناخـــذه بالتـحــــــايل=إن ما وخـذ بالطــيب بالغصـب ينّــال
وليا ابتدى ضرب السيـوف الصقايل=النصــر بيـدينا على كل الأحــــــــوال
وان كنت تبغــى للفعــــــــايل دلايـل=من دون ما اذكـرلك زحـازيح وأبطال
إنشــد أراضــي نجــد وجبــال حايل=واسمــع لســيرتنـا على مـرّ الأجيــال
ماقـد تعــــوّدنا نحــــــوز الهــــزايل=حــوزاتــنا دايــم سمــينات وجــــزال
والطـــيب نسعــى له بكـل الوســايل=مادامـنا للفخــــر والجــــود مدهـــال
وفزعـــاتنا ما نعتـــبرها جمــــــايل=وشلون لو منّــا بعــد ضيـــم رجّــــال
أبك الجـزيـــرة في ذرى عيال وايل=يعني بلاش خبــــال يا " أوه يا مــال"
مانــي مطـــوّلـــها ولانيب قـــايل=شــيٍ يفجّــــر صبري اللي معك طال
بعض السوالف كنّها بعض اصــايل=ما تنعـــســـف إلا على يــــدّ خيّــــال
وعـزالله انه من بدى الهــرج مــايل=عرفت بأنك مـاش بـس زول رجـّـــال[/POEM]


:

وسلامتكم

 

[زينب الشهري]

نص / لغم .. قابل للإنفجار الخروج من هنا منتهى القوة / الشجاعة

مرعب يا الدهمشي

أتوقعه مات بعد هالنص

 

[سالم الراشدي]

.


ونعم والله بعيال وايل .. /
صح لسـانك ياثاني .. مدهش ... ،
لايشبهك إلا أنت .. صح كلك

 

[صالح الضويحي]

بدون قصور بجميع القبايل
وبدون قصور بكل من يستحق الثناء


قصيدة نابعه من الوجدان
واحساس نبيل

ثاني الدهمشي

كفيت ووفيت

دمت كماهو انت متميزا



تحياتي لك

 

[صالح الحمود]

ثاني الدهمشي
والله والنعم بك وبوايل

قصيائدك قطع من الحلوى الفاخر

 

[غازي العلي]

الف نعم بعيال وايل

اسفارٌ....من...التاريخ سطرة امجاداً

هذا ماهو معروف لكل عاقل ومتبصر بالتاريخ

لكن يبدو لي ان القافيه..أخذتكَ..الى...(حايل)

تقديري واحترامي...!!

 

[خالد العقيل]

ثاني الدهمشي
ونعم فيك وبعيال وايل
من غير قصور بباقي القبائل
تقديري

 

[هنادي المطيري]

ربعــي بنــي وايل وإذا قـلت : وايل
يوقف لنا التــاريخ وليــا وقــف قــال:
أشهــــد لكـم في طيبــكم والفعــــايل
والمجـــد من وايـل إلــى اليـوم لا زال



والنعم والله / ونعم اللابه
لاهنت يالدهمشي ، وصح بوحك ملايين



أختك ،