[فهد دوحان]

Sms



اعتراض :
اعترض جدا على هذا الغباء
واعترض اكثر على هذا ( الغُثاء )
كل عام يمرنا ماعندنا الا أكاديمي ستار
يلطخ الوجه العفيف بما يسمونه : غناء !!
يا ملايين ( الدراهم ) في شواطي شاعر المليون
لو رحتي لغزة !

كنتي ضمدتي الجراح شوي
وشفنا بعض عِزة ..

لكن الأمة تحارب في خطب عصماء
مليانة تخاذل وانحناء ..
كلها ومدة ومعاركنا تصير بْواسطة رسائل الجوال
ونتحرر ،
ولكن : في غباء !!


مهرجانات ،
وخطابات ،
وشعر شعبي سخيف ،
ومذبحة قلطات بالسيف الرهيف ..
والصفوف كثار ما فيها معزة !
لو تلفتوا يمين شوي وشفتوا :

كيف حال الناس :
في بقعة من الأرض القديمة اليعربية ..
في يدين العابثين بأرضنا واجسادنا ..
وكيف مات الطفل أبو أربع سنين
وما معاه اللي يعزه !!
أو تلفتوا يسار هناك :
يمكن تقشعـّر أجسادكم وقلوبكم
وتصيرهزة !!
يا نشيج
ويانشيد :
ويا : ( بلاد العُـْرب أوطاني )
أنا ما عادت أوطاني سوى
طبل وأغاني
غانيات يطوحّن أجسادهن في حضرة السيد :
( أناني ) !!
يشرب أنخاب النبيذ الأرجواني
ويتغنى :

( يابلاد العُـْرب )
أنا مشغول دقي وقت ثاني !!!

!!