((جمــــرات ثلجــــي)) ... مصافحــه اولـى .

[خالد عطيه العنزي]

بسم الله الرحمن الرحيم


اخواني واخواتي اعضاء منتديات ابعاد



يشرفني ان اكون بعد من ابعاد هذا المنتدى


.
.
.



لن اطيل


انها المصافحه الاولى


ارجوا ان تنال استحسانكم

[poem="font="simplified arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]البارحه هاوي يخيّل في جناحات الهوى = يقبل وتدبر به سحابات الخجول الهاويه
واليوم هاوي من على سحب الهواويّه هوى = متشبّث ٍ في هاويه عن لا يطيح بهاويه
يا فقد وجدي دون حلم ٍ تاه بعيوني وضوى = صغيّر وراح يتزحّف في طوى المتطاويه
من دمع دمّه زوّم بكمه وصدّر واروى = وخاط الجروح جروح وقال اخلفتها متداويه
لو انكوى بالثلج .. قال الناس وشلون انكوى؟ = المشكله وش حيلتي وجمرات ثلجي كاويه
ازمّها زمّ الغشيم اللي فلا له مهتوى = كل ما تهفّه مغربيّه ما سأل وش ناويه
يا طيب جرح المنطرح بين المداوي والدوى = ويا عل جرح اللي غدى بين العشار الضاويه
من تحته العشب وحسافه يا مخزّقة النّوى = انّا بشر من آكلات امّ اللحوم الراويه
نشبع ويشبع عقبنا كل من على الباب انطوى = من يبّس (ا)شفاه الرصيف اليا ذباب الحاويه
في مالنا يا مالنا لو طالنا صوت نخوى = ما طالنا الا منظر المأوى بدون الآويه
يا ما لعبنا وانلعبنا في دواوير (ا)شعوى = واليوم عقب الحوم وقّعنا بمرح الذاويه
تخدم علينا قبّعات السرك و(ا)حلق الغوى = واللي يبي المرواح يلقى الباب جنب الزاويه
سواسيتنا ماسسه فوق الهوى نمشي سوى =واكبر دليل آصابع ايدين البشر متساويه
فيا مستوى علّم عزيز ٍ كان تحت المستوى = بان الرسول امسى ثلاث ايام بطنه خاويه
ويا حامل اعلام الجنود اللي يرتبهم لوا = لا تعامل احلام الجنود بعينك المتماويه
ابسألك يوم السيوف ببدر حفّاره ثوى = ابسألك يا صاحبي وش كان فعل معاويه
فلو اولي الضعف استحال ان يصبحوا اولي قوى = ما كانت بيوت الشعر من شعرها متقاويه
النفس نفس النفس ولكن فرقها بالمحتوى = يا ليت نفسي نفس ما نفسي تمنّى حاويه
يا نفس خوذي عبرتك بالدهر لا منْه التوى= كم قاويه صبح بمساها ما غدت متقاويه
وكم عاويه مخلابها مدمى من حلوق العوى = اليوم صارت في حلوق الثاغياات العاويه
فياليتنا يا صاحبي ورده في وجه الهوى = يهفّنا النسناس لو غصوننا متهاويه
على الاقل تدنيقنا واحد ورفعتنا سوى = وعلى الاقل يا سيّدي بتلاتنا متساويه[/poem]



وسلامتكم




.