ظل

[مختار السلامي]

حضور اول الى هذا الوطن الجميل

،


/




للظل يا موت النخل والصحاري
محتاج أشوفك لحظة تترك السور


بين العطا والذاكرة وأنتصاري
شيعت جرحي عن سماواتك البور


مليت أفتش في جبيني نهاري
وأخترت نبذي لا ملامة ولا جور


طاح الحطب ما طاح ملعون ناري
قلت النوايا صارت بـ دمي تثور


هذا الجبين اللي كسته الحواري
ثوب السديم وصاحب الثوب مكسور


ذليت شوفي وأنهزم أنتظاري
والليل يسرق ما تبقى من النور


قلت أترك لـ خوفي عيوني وأداري
ريح السنين وما تقدم من كسور


ليلٍ يشاور ضحكتي وانكساري
لين السهر يتلثم بـ راضي الشور


ما كان صبري قطعةٍ من وقاري
لكن سراب الشك ينضح لي بحور


هذا وأنا مفزوع حد أنتحاري
أرضٍ تدور في السما تربة قبور


مثلي يشكل رغبتة او حصاري
ان مات صبره ما لقى فيه مأجور


يا ظل لو خنت النخل والصحاري
محتاج أشوفك مرة تقتل السور