. . . الألـفـيـّه . . . من الـ[ أ ] إلى [ ي ] . . .

[فهد العباري]

السلام عليكم ورحمة الله وبركاته


صباح / مساء . . . الخير على الجميع


كل عام وأنتم بكل خير

إحدى قصائدي لتجديد التواصل مع أصحاب القلوب النقيّه

الألفيّه


[poem=font=",6,,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
ألف ٍ : أسوق مع الهبايب سلامي=ألفية ٍ من قلب عاشق وضامي
تحكي عن حدود الغلا والغرامي=في حب من تزهى الشعر والكتابه
والباء : بنات الفكر لأجلك هدايا=ياام العسل من بين حلو الشفايا
ضمتك ياكل الحلا هي دوايا=روفي بقلب ٍ يشتكي لك صوابه
والتاء : تبين مع جزيل المعارف=غصنك عن أغصان الجميلات وارف
ياعملتن ماتدخرها مصارف=زينك ترى مايعترف بالتشابه
والثاء : ثلاث اشياء تعشق عيونك=عيوني الثنتين وقلب ٍ يصونك
لو حاولو هالخلق ماياصلونك=ياسكره ياقابله للإذابه
والجيم : جندت القوافي فحبك=يللي جروحي ماتبي غير طبك
مجرى غلا في وسط روحي مصبك=وأصفى من حقوق المطر فالسحابه
والحاء : حلاوة هالعمر في لقاكم=وأعظم ملذاته أحس ب غلاكم
كل الحياه تزين لحظة رضاكم=اذا رضيتو زاد كوني رحابه
والخاء : خذيتي بالدلع كل حاجه=والقلب أعلن في هواك إنتهاجه
قانع ولا دورّ معك وش خراجه=لو تهلكينه يستلذ بعذابه
والدال : دوّنت لعيونك قصايد=مثايل ٍ ماتنوخذ بالزهايد
أغلى من سلوم العرب والعوايد=في عين بدو ٍ يطربون الربابه
والذال : ذقت من المحبه شهدها=وسلمت روحي فدوة ٍ وسط يدها
أحيا بها والموت ظني بعدها=من دونها تصبح حياتي كئآبه
والراء : رماني هالقدر دون مدري=وأستوطنت بالعشق في وسط صدري
شمس الغرام اللي اشرقت صبح بدري=أدعي عسى الله مايعجل ذهابه
والزاء : زرعت الورد من شان عينه=وعشقت لمسه مثل عشقي ل يدينه
تسلب نعومة ملمس الياسمينه=زود ٍ على هالزين حسن الذرابه
السين : سعد اللي تجي له حليله=ويعيش معها العمر واللي بقي له
في قربها تصبح حياته جميله=و يلبس غلاها مثل ملبس ثيابه
والشين : شلته بالوفا وسط عيني=وصارت كما الشمعه تضوّي سنيني
تلقى بها نفسي دفاي وحنيني=ويلقى بها الإحساس فن الخطابه
الصاد : صورتها تزين خيالي=أم الحلا وإم الدلع والدلالي
هي جوهره ماتنشرى بالريالي=و من حبها تصبح غذاه وشرابه
والضاد : ضامي وكثر شوقي ضناني=جلست اسولف عن غلاك لحناني
قال اوصفه ثم قلت وصفه عصاني=ترف وغريب وفي وصوفه غرابه
والطاء : طبيعي لو حبيبي تجبّر=وعاند ميولي ثم طغى في تكبّر
مالي جدى ياكود كثر التصبّر=لو الصبر حمل ٍ على من مشابه
والظاء : ظلام الليل موحش سكونه=ماغير اهوجس وأتغنى لحونه
وشلون يرضى لي حياة ٍ بدونه=وانا سؤال و وصلنا له اجابه
العين : عن غيره صرفت النظر صرف=تعمى وتشقى كان لدت لهم طرف
اغرف قصيدي من وسط بحرها غرف=هي ملهمه وإلهامها مرحبابه
والغين : غيري من حلاها تودد=لكن عصيّه دون غيري تصدد
مهرة وفاء و خصالها ماتعدد=ياجعل عذالي فدايا ترابه
الفاء : فرقها الله عن كل مزيون=وخلا الصبايا من حلاها يغيرون
إن حاولن تقليدها مايجيدون=هي للجمال العذب خلقت صبابه
والقاف : قادتني هبوب الهبايب=وأصبحت يـهل الحب مغرم ذايب
بين الضلوع العوج تنهب نهايب=حتى غدى هالقلب مايندرابه
الكاف : كم مره تذوقت ريقه=وشميت عطره وإحتضني رحيقه
انا غريق وخابر انُها غريقه=في عالم ٍ بالحب فيه إنجذابه
اللام : لو تجفى ترى ماجفيتك=وشلون أبجفى وأنت بالقلب بيتك
ولو يرخصونك ياغلاتي شريتك=يانور عين إللي ضياك إقتدى به
الميم : من شفته وانا فيه مسحور=و من يعرفه مالامني قال معذور
أجمل بشر مدري تواصيفها حور=ام الدلع والطيب وام النجابه
النون : نهديها من الشعره دره=مضمونها نعشقك ألفين مره
ياجعلني دونك ودون المضره=وفال السعد فوقك يزيد إنسكابه
الهاء : هواها ماتسعه الأراضي=ومقدارها ثقل الجبال العراضي
كن حبها في مهجتي أفتراضي=أغلق عليها صادق الحب بابه
الواو : ورده والبني حولها شوك=تملك على عرش الحلآ عقد وصكوك
وإذا حكت ياعقاب هذا بلى أبوك=في صوتها أنغام يحلى الغنى به
الياء : يالولا حبها ماقصدنا=ولا بذ من نظم القوافي جهدنا
تمت وهذي قطرة ٍ من شهدنا=في حب من تزهى الشعر والكتابه[/poem]

وسلآمتكم


فهد العباري

 

[سعيد الموسى]

وعليكم السلام ورحمة الله وبركاته .
أهلاً بِك َ يافهد
أحسنت الحرفية الهجائية يافهد ..
شكراً لك ْ وكُل عام ٍ وأنت جميل ياجميل

 

[وادرين]

فهد العباري

اعجبتني كثيرا هذه االالفيه
قصيده رائعه وجميله

دمت بود

عمق الألم .... وادرين

 

[فهد العباري]

المشاركة الأصلية كتبت بواسطة سعيد موسى

وعليكم السلام ورحمة الله وبركاته .
أهلاً بِك َ يافهدْ .
أحسنت الحرفية الهجائية يافهد ..
شكراً لك ْ وكُل عام ٍ وأنت جميل ياجميل ْ

هلابك أكثر يا سعيد


الشكر موصول لك على كرم الحضور


لا جمال إلا جمال تواجدكم


لا خلا ولا عدم

 

[فهد العباري]

المشاركة الأصلية كتبت بواسطة وادرين

فهد العباري

اعجبتني كثيرا هذه االالفيه
قصيده رائعه وجميله

دمت بود

عمق الألم .... وادرين

زادت جمالا ً بإعجابك وبحضورك الراقي ياوادرين


الروعه هي روعة تواجدكم


شكرا ً من القلب

 

[فهد العباري]

ذلك» أي هذا «الكتاب» الذي يقرؤه محمد «لا ريب» لا شك «فيه» أنه من عند الله وجملة النفي خبر مبتدؤه ذلك والإشارة به للتعظيم «هدىً» خبر ثان أي هاد «للمتقين» الصائرين إلى التقوى بامتثال الأوامر واجتناب النواهي لاتقائهم بذلك النار.

 

[فهد العباري]

كل عام وأنتم بكل خير

إحدى قصائدي لتجديد التواصل مع أصحاب القلوب النقيّه[/size][/center]


الألفيّه


[poem=font=",6,,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
ألف ٍ : أسوق مع الهبايب سلامي=ألفية ٍ من قلب عاشق وضامي
تحكي عن حدود الغلا والغرامي=في حب من تزهى الشعر والكتابه
والباء : ذلك» أي هذا «الكتاب» الذي يقرؤه محمد «لا ريب» لا شك «فيه» أنه من عند الله وجملة النفي خبر مبتدؤه ذلك والإشارة به للتعظيم «هدىً» خبر ثان أي هاد «للمتقين» الصائرين إلى التقوى بامتثال الأوامر واجتناب النواهي لاتقائهم بذلك النار. حب من تزهى الشعر والكتابه[/poem]

وسلآمتكم


فهد العباري

[/QUOTE]

 

[خالد صالح الحربي]

:
شُكرًا فهد .. وهذه الألفية تعيدنا إلى تلك الألفيات الخالدة .
كـ ألفية ابن عمّار وغيره من الشعراء القُدامى ؛ والتي تغنّى بها
بعض الفنانين الشعبيين .. كـ الطيّار وسلامة العبدالله .. وعيسى
وغيرهم .. مشكلة الألفية أنها شعرٌ مصنوع وبلا فكرة محددة .. وحتى
إن كانت هناك فكرة .. فـ المتحكم بها هو حروف الهجاء .. الـ 28 حرفًا .
وهذا موطن الصعوبة في أن تقبض على الشعر ولا يفلت معك أو منك .. تحت
سلطة أي حرفٍ هجائي .
🌹