دفقة نعاس .!!!

[لطيفه الشمري]

لـ قلوبكم .. .. .!

.

.











[poem=font="Mudir MT,5,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
دفقة نعاس ليلي يرتوي به صباح = بلّت عروق فجره من زلالي انين
تفتق جروح صدري من غيابه رماح = مارحمها شعورً ينشد الرمح مين
صوبك يم ذنب المعذره والسماح = وصرت لاطهر خطايه تايبً مستكين
يازمان التفاهه لو يجيبك كفاح = جبت راس الليالي من شهور وسنين
بس شرعك ظلوم وكل حزنً مباح = بين ذبح الاماني واختناق الحنين
وانتصار المنافي لاتركني وراح = كل حلمً تخلق وسط روحي جنين
دمع لامن تحدر من عيوني وطاح = يسألن صدر عزمي ليه ماتسكتين
ليه فرحك دفين وليه حزنك متاح = لاتعرت شكوكه انفضح بك يقين
واحتفلتي ليالي واحملتبه سفاح = من توائم سهرها ينولد لك بنين
مابقى بك مكان ولا بقايا مراح = وجنتك من زهابك شايله دمعتين
يارجول الهقاوي ليه صابك كساح = والنوايا بياضً بالحنايا دفين
اطلقي من عنادك للاماني سراح = كل قاسي عشانك لاصدقتي يلين
لاتغرك حروف المعصيه والصلاح = لو تركتي قصيد المغفره تكفرين
كل دمعً نخيته لاغمرني وصاح = ارتعد في خفوقي عرق دم الوتين
لاحضنتي ورودي في يدينك سلاح = تلفظ انفاس حضنك كل فعلً مشين
لاخسرتي شبابك عارض الشيب لاح= انذبح لك كرامه كل عقلً رزين
لادفنتي حقيقه واستحال النواح = كفن الدمع زيف المهزله بالونين
الاغاني تموت ولا سمعت الفلاح = من شياطين تابت عن خطاها المبين
طيب صدر الشمالي لانصيته براح = طولة البال تسمع كل عذرًسمين
جيت يمه ودمعي كاسي الانشراح = ثوب عيد التهاني لالبسها حزين
لاتركته هماج ولا رويته قراح = بس قطرة غيابه حاسة البعد طين
يابرودة ثيابه احتويني وشاح = يحضن اطراف فقدً لتعازي عوين
عطرك اللي نثرته بالضماير وفاح = ماتنفس بقايا من شذاه الثمين
غير دفقة نعاسً جفنها مااستراح = همسها يالطيفه وشهو اللي تبين ؟![/poem]

 

[أمجد الدبيسي]

يـازمـان التفـاهـه لــو يجيـبـك كـفــاح
جبت راس الليالي من شهـور وسنيـن
بس شرعـك ظلـوم وكـل حـزنً مبـاح
بين ذبـح الامانـي واختنـاق الحنيـن

نص يحفظ في ذاكرة الشعر
وانا احفظه على جهازي
دمتي جزله

 

[أحمد الهايس]

يابـرودة ثيابـه احتوينـي وشـاح

....... يحضن اطراف فقدً لتعازي عويـن

عطرك اللي نثرته بالضماير وفـاح

....... ماتنفس بقايـا مـن شـذاه الثميـن

غير دفقة نعاسً جفنهـا مااستـراح

........همسها يالطيفه وشهو اللي تبيـن ؟!

شعر يستحق المتابعه

كل الود

</b></i>

 

[خالد العزاب]

وش الجديد ولطيفه كل نص تحلق فوق هام السحب !

اخيليه كثيراً وشعراً سماوي التكوين

لله درك يا مطر !!