( عين الشعر )

[نايل السهو]

السلام عليكم ورحمة الله وبركاته ..


مبارك عليكم ما تبقى من العشره المباركه ..






[poem=font=",5,blue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
أذّبح الصمت في حدّ اللسان الفصيح = خايف آطيح من عين الشعر والأدب
أعتق الآه من سجن الشعور الذبيح=يمكن أرتاح من كثر الحزن والتعب
وجه الأيام بعيون الأماني قبيح=ما بقى حلم في بير الأمل ما نضب
ما كتبت القصايد لجل أحصّل مديح=في هشيم الصدر مليون عذر وسبب !
ليتني من عنى همّ الفراق أستريح=كان ما شفت في هذا الزمان العجب
صاحبي ليه أشوفك بالجفا هبّ ريح=شوفني أشّتعل نار وضلوعي حطب
كنت مثل الصراحه في عيون الصريح=صرت مثل الملامه في عيون العتب
ليت دمع الغلا في غيبتك ما يطيح=ليت قلبي مثل قلبك يعاف ويحب
تدري إني على شانك خفوقي جريح=وأدري إن السؤال اللي جوابه صعب
لو أخذك الغياب اللي فضائه فسيح=كيف أبآعيش من غيرك ! وأفكّر أحب[/poem]