أجداث الحلوم..!!وحجم المعاناه الحقيقي..!!

[ناصر مطلق]

(((بسم الله الرحمن الرحيم)))
.
.
لـ قلوبكم النقيه ...!!
.
.
عندما تتحطم جسور الخيال على مرارة الواقع يُجهش الحرف بالبكاء
هذا بكاء قلمي فأقرؤه..!
.
[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ابا انتظر باقي أمل فالياس والدنيا تدور=طبيعتي اليا فقدْت الشي مانيب اعدمه
لنه كذا طبع الحياه احزان واحزان وسرور=يعني لها ثلثين حزن وثلث فرحه مُعدَمه
تموت فيها أحلامنا واْهيه متاعٍ في غرور=وتأد بنات افكارنا الذكريات المُؤلِمه
وآقف على اْجداث الحلوم وأنتظر يوم النشور=المستحيل اللي ابي والعقل يدري و أوهمه
لكنّ مالي الا القلم لا صار فالايام جور=ياوجد من مثلي جداه اليا تضايق فقْلمه
حجم المعانه الحقيقي ما يجي بين السطور=بعضه يجي لكنّ جلّه في ضميري وأكتمه
لو كان دمي داخلي من لاعج اْهمومي يفور=اليا بغى كشف الخفى فكري أنا اْسْكّر فمه
وأقوم مؤمن بالزمان انه محطه للعبور=وأشّد عزمي وانتخي بالشعر واربط محزمه
لا صار ماحولي وحولك يطعن بذيك الصدور=اليا وقف ما حولي بوجهي اعزّم واهدمه
وأبني جسر على جسر وآصل ليا حد القصور=وآقف على بلاطها وأرّز شعري واْعلمه
وأرفع بصوتي للقصيد اللي على الفكره يثور=حتى يضيق القاف مني كل ما ضاق اْنسمه
وأشّب من نار القصيد لمْظلم الافكار نور=تنير به حتى القلوب الموحشات المظلمه
وأجيب من لاشي شي بمنطقي وأنحت صخور=وأقطف زهر بستان شعري في قصيدي وانضمه
وأغوص غبات البحور اللي تحت غب البحور=وأجيب لي حوريةٍ من سمعها ما ترحمه
كن الحكي لا قالته يطلع على هيئة بخور=وبخورها ماهوب حكي الا ليا رنّ اْنغمه
وان سلهمت هدّت بداخل داخلي سبعين سور=حتى تمثنى سيف رمش العين قلبي واْقسمه
وان سبلْت كنّ الجنّان اللي بها ما هنّ حور=أستغفر الله قلت كنّ وكنّ ماهي مُلزمه
لكنّ انا لا جبتها أطوارها في كل طور=ترقى على شمّ المعاني للبيوت المُفحِمه
ثم تختزل في هالعصر مما مضى كل العصور=متجاوزه كل العوايق رافضه للأنظمه
معها وانا في رحلتي بين العثور ولا عثور=عن فكري الي كل يوم اقرأ الفلق في مأتمه
اسهر معه ليلي وانا أحاول افهم ما يدور=في عالمٍ صارت معالم عايشينه طلسمه
افكارهم مثل اللحد وعقولهم مثل القبور=يعني مقابر روسهم رُفات ناسٍ مُعدَمه
خيالهم قيد انمله وضحالة الفكره ثبور=ومن لا عرف وش قيمته يمكن تزل اْبه اْقدمه
وأنا تعبت من الزمان الي على عقلي جسور=أقرأ طلاسم دورته والقى رموزٍ مُبهمه
ازرع من افكاري فكر وتموت فسلات البذور=وانا الذي اسقيت لكن ارض فكري مجرمه
تموت قدامي مزارع والبلا فالارض..بور=وتطيح اوراق المزارع حرف حرف ومُعجمه
هذا وأنا مانيب شاعر عايش بليا شعور=عندي شعور وفكرتي من واقعي مُستَلهمه
ياليت لو ألقى أمل فاليأس والدنيا تدور=عشان كل اللي فقدته في زماني ما أعدمه[/POEM]

 

[ميــرال]

ناصر مطلق

قصيده ممتعه

صج قلبك

 

[قايـد الحربي]

ناصر مطلق
ـــــــــــــــ
* * *


بتمكنٍ شاعريّ رائع و حبكٍ أروع
يكتب قصيدة فاتنة القراءة و البحر .

شكراً كثيراً جداً .

 

[عبدالعزيز رشيد]

تامة
بعد ان انهيت قراءتها قلت: تمّت بـ روعتها
هذا النفس المحافظ على جماله ومتانته لايدلّ إلا على شاعرٍ كبير
هنا أبيات ترسم شكل الحزن وحجمه أعجبني كثيرا تعبيرك حول الحزن المكتوب جزئيّا وكيف أن الباقي موجودٌ بالضمير
الكريم\شعراً
ناصر المطلق ألف شكر لك

 

[نجمه أحمد]

الشاعر
ناصر مطلق

أبدعت وامتعت..
صح لسانك لين ترضى..
على هذه الرائعه..
ودمتـ بمنفى عن الحزن..

ودّي

 

[أحمد الكميان]

ناصر بن مطلق

صح قلبك

الى القمم دومااا

 

[هـيـفـااللاّفـي]

ناصر مطلق

مدهش وصاحب حضور جميل

صح نبضك شاعرنا

وياهلا

 

[شاعر البدر]

لنه كذا طبع الحياه احزان واحزان وسرور
__________يعني لها ثلثين حزن وثلث فرحه مُعدَمه

***********
نَعَمْ..نَعَمْ
هِي هَكَذا...

جَمِيل/واكْثَر واكْثَر.