محاوره [ لمن يهوى فقط ]

فيصل خالد · 02-21-2007, 07:41 PM

سلام ردية ٍ : للي يبي يكتب يقرّبْ وأشوف ْ
ــــــــــــــــ الدرب دربين : والـ لكزس جديد أبيضْ ولوحة دبي

أنا من البارحه بين الثّمالهْ والخمر والحروف
ــــــــــــــــ الحزنْ : طفل ٍ تمهّدْ بـ الضلوعْ [ وصار فيه يحبي ] !

**خالد صالح الحربي** · 02-21-2007, 07:55 PM

:

يَامَرْحَبَا فِيكْ والدّنْيَا يُقُولون العَرَبْ مَا تُرُوفْ
________ لِذَا نَبِي نْهَوّنْ الأحْزانْ وِ نْصَلّي صَلاَةْ النَّبِي .

مَا دَامْ الأسْفِلْتْ أسْوَدْ لاَ وَرَبّي مَا أظنّكْ تُطُوفْ
________ الْفَقْر آبا أحوّلِهْ لـِ..فْيَاقِرَا جَاتَكْ مْن آبوْ ظَبِي .

فيصل خالد · 02-21-2007, 08:12 PM

حييت : ياراعي البنزْ : إستريحْ شوي [ قهوة ضيوفْ ]
ــــــــــــــ [ خبرك من العام فــ المورسيدس ] ، جاه اللي يهزْ الـ [ عِبي ]

ماكنّهْ إلا ّ قصيدهْ قالها [ قايِدْ ] بــ صفْحَةْ قطوفْ
ــــــــــــــ في شاشته [ بنت ٍ ] ، بـ حانة سكارى ، والـْـ...جسد لولبي

**خالد صالح الحربي** · 02-21-2007, 08:33 PM

:

فِيكَ الْبَقَا مَار مَاتَدْرِي عَنْ الألْمَانِي [الْفَيْلَسُوفْ ]
_______ جَاهْ الطَّلَبْ وأسْتَعَانْ أبلِيسْ .. و صَمَّمْهَا عَلَى مَا نَبِي !

مكينةٍ لا اكْفَخَتْ كَأنّهَا مَوّال يَبْدَا بـْ..أووووف !
_______ مَا لاَ عُيُونٌ رأتْ ، وإنْ جِيتْ أباأوْصِفْهَا فإنّي : غَبِي .

بأروح أتعَشّى و يصير خَيرْ ..
أنتْ و قَرَنبَعْك ..
الله يكفيني شَرّك . نقره لعرض الصورة في صفحة مستقلة

فيصل خالد · 02-21-2007, 09:11 PM

ياعَمْ : من مصنعه مكتوب في جنبه [ حرامْ الوقوفْ ]
ـــــــــ أطلق شنبْ في مرور أهل البلد : ماينشده [ وش تبي ]

الأقربْ المُبتعد : الغائبْ الحاضرْ : [ يُروّضْ بـ خوفْ ]
ــــــــ له ْ بالشّمال الـ جنوب [ أربع جهات ] ومشرقه مغربي

الوعدْ بكره

**خالد صالح الحربي** · 02-22-2007, 12:17 PM

:

أخْتَرْ لَنَا دَرْبٍ يْصُبّ السّلامَة فِي كُؤُوس الصُّدُوف
_______ بْصَحّة الْهَيْجَنَة وَ المَيْجَنَة .. يَا سَلْطَنَتْنَا : أشْرَبِي .

يَاكُثْرهْ المُهْمَلْ اللّي رَاصِفِينِهْ فَوْق غُبْر الرُّفوف
_______ ويَاكُثْرهْ المُمْهَلْ اللّي صَارِفِينِهْ مِثْل " صَتْم حْلِبِي "

_ بيتين وَ البَاقي بَعْد
مَا أرجَعْ من البَرْ / بأرُوح أصِير بَدْو ..
للمَغْرِب _