مرثية الجهراء_قوس الربابة

[ذياب العسكر]

أسعد الله أوقاتكم بالخير والمسرات ..

عندما كان الخيال يتمتع بالحرية ، فآنذاك كنّا نشعر بأحزان المكان والزمان .. مجرد رثاء بدويّ إهداءاً للجهراء ..والإهداء للجميع ..

-
-


الليله .. الليله ..الذكرى .. ( قوس ) .. ينعى .. (بدو ) ..
الليله .. الليله .. ( الجهرا) .. مسافات .. ورحيل ..وشدو ..

.....
.....

الليله .. الذكرى ..تغنى على القوس..
جر الربابه ..
جر.. ياكف الأطياف..
كل الظلام ..اشعل جروحي .. فتيلة ..
يرقص طرب .. وارقص .. عذاب ..ومواويل ..
يضحك .. وانا الآهات .. في جوفي .. (إ)صلاف ..
جر الربابه ..
جر بـ إحساسي .. هجوس ..
للبدو ..
للصحرا ..
لـ( وضح ) الفناجيل ..
إعزف .. ( مقاطين )الشمال.. بصبابه..
قوس الربابه.. قول ..
غن ..
وتهيجن :
( كان خلك منزله بأرض الثنادي ... وآعشيري .. حالن الشطين دونه)(1)

....
....

و الليله ..اصلاً ولا تحسب ..
يطيب .. أو مايطيب الكرى ..
مـ دام أنا : عشت هـ الليله .. حدو..
وبـ أعلى ( ضلوع الفكر) ..
( أرقب ) .. ( ( مظاهير ) بدو(ن) .. ( مشملين ) ) ..
ظليت أغني برعشة الشوف ..وآصيح :
( شفيّ لبدوٍ منتوينٍ ..شمالِ.. ( لازاع ) .. مظهورٍ تقفاه مظهور)(2) ..
يتلون براق(ن) .. حدى في سحابه ..
ولا نوّخ .. لـ( ملح ) .. السحايب .. يحلون :
في روض(ن) .. أخضر .. ( فـز ) .. ( ربله ) .. و( نـويّــر ) ..
في خايع(ن) .. غنى .. على جاله الطير ..
و ريح الخزامى .. و النفل .. بخر الكون ..
و الليل .. يبني .. ( للشعر ) .. بيت ../ .. والشِعر ..

....
....

يا الليله .. القلب .. متروس ..
( دحي ) .. معاهم .. و ( هوسي ) ..
يا الليله .. (الجرح ) .. مغروس..
شدي بقوس الربابه..
تنفسي من هواهم :
( رمثٍ ) .. و ( هيل ) .. وعطر ( شيح ) ..
تكحلي في حلاهم :
( سدو ) .. و ( غنادير) .. و (..(إ)شداد ) ..و( .. بكار صفرٍ مواضيح ) ..

....
....

الليله ..أحلى الليالي ..
( هرج ) .. وقصيد ..
و( فلة حجاج) .. و(إ)دلال ..
ونجرٍ .. يجاوب لا عوى الذيب .. صوته :
( ياذيب .. ليش تعوي ..؟/ .. حالك .. مثل حالي ..؟!!)(3) ..
ياذيب .. ( عس ) .. الجرح .. و( أقنب ) .. على ( الروس ) ..
ياذيب .. طيف العشق .. فيني .. ( ملاويح ) ..
لامن .. ( كفخ ) .. صوت الشمال .. بـ صوابه ..
ياذيب .. أنا .. وانت .. والليله .. نبي نغني .. سوى:
شمـال ..
شمـال ..
شمـال ..
شمـال ..يا الجـهـرا .. على القوس ..
والليله .. الليله .. الذكرى .. عزاها .. قوس ..
يــنعـــى .. بــــــدو ..

_______
_______

هوامش:
1/من شعر تراث الجزيرة العربية ..
2/للشاعر المرحوم .. شاهربن تيمان الظفيري ..
3/من تراث بادية الشام
_
_

مع المودة والتقدير ..


-
-

< ذياب العسكر > ..

-
-

1997