صــــــــور ذكراي

عادل الرديعان · 03-01-2007, 02:46 AM

مرتاب وأمشى دروب البعد واهدَي

وأكتب شقى العمر نوتة حزن ..أغنيها
.
.
.
هاجرت أدور وطن لو كان ما ودَي

أخاف شئٍ يجي فالنفس يطريها
.
.
.
يوقض حنين الغلا وأشتاق واردَي

وزرع بوجه الغياب آمال وأسقيها
.
.
.
وأمسح دموع الليالي من على خدَي

وأصنع لغربه غيابي سجن وأنفيها
.
.
.
عزّمت أبقتل غيابي ..جيت متحدَي

متعزويٍ في عزوم الروح وأنخيها
.
.
.
شدَي حزامك بصدري ياخلف جدَى

معاك غربه جروح العمر أبمحيها
.
.
.
برجع كفايه يبيّح هالعنى سدَي

يحرث مواجع دفينه كنت مخفيها
.
.
.
مادام سيف الزمن يذبح ولا يدَى

برسم حياتي صور ذكرايَ تحييها

نايف السعدي · 03-01-2007, 08:46 AM

الرائع عادل
جميل هذا النص ورائع

صح لسانك

ودام تواصلك

محمد الضويحي · 03-01-2007, 02:10 PM

عادل الرديعان ....... يسعد لي ها الطله

وهذا الحس المرهف و المترفل في ثوب الوجد

ابيات وقفت عندها غصت في كنهها

يسلم هاالحس لمترف يا عادل .... مودتي وتقديري

**خالد صالح الحربي** · 03-01-2007, 04:38 PM

:

مَا أجمَلَكْ يا عادل الرديعان ..
وَ مَا أنبَل هذا الحُزن والحيرة واللذان لا يُحَدّان بقافيَة .
حُبُك للوطن وَ غُربَتُكَ فيه / هذا النّص دليلُهُمَا .
_ تقديري وأحترامي لك _