(( غلطان لو فكرت تلوي ذراعه ))

[محمد بن شتير]

السلام عليكم ورحمة الله وبركاته


صباح الخير || مساء الخير


نص قديم ولكن لا يزال قريب من نفسي ولا اعلم ما هو السبب !!


/

\

/

\


ركز معي بالهـرج وأفتـح أذانيـك
ـــ خل التغلي خـل عنـك القطاعـه

عيب(ن) عليك تبيع من كان شاريك
ـــ كنك تبيع وتشتـري فـي بضاعـه

الصـد والهجـران و إلا تغلـيـك
ـــ ماتنفعك لا صـار عنـدي مناعـه

وش جاك مني غيـر أمـر و لبيـك
ـــ تامر أمـر وأقـول سمعـن وطاعـه

يعني لاني صـرت مقـدر أخليـك
ـــ وإلا لأن الوقـت هـاذي طباعـه

اللي تحبه صار مـا يلتفـت فيـك
ـــ واللي تبي فرقـاه ماغـاب ساعـه

وأخر عتابي بالشعر بيـت يعنيـك
ـــ أو بالاصح أقـول عنـدي قناعـه

يا صاحبي لاصار صاحبك يغليـك
ـــ غلطان لو فكـرت تلـوي ذراعـه





محمد بن شتير

 

[سالم الراشدي]

محمد بن شتير


حياك الله يالذيب ..
نص جميل رغم بساطته


صحّ كلك ولاتحرمنا جديدك العذب

 

[جُمان]

بـِعذوبة الماء هذا النص يا مُحمد
جميل وأكثر

.

.

 

[محمد بن شتير]

المشاركة الأصلية كتبت بواسطة جُمان

بـِعذوبة الماء هذا النص يا مُحمد
جميل وأكثر

.

.

حياك الله أختي

جُمان


ومرورك اثر طيب للمتصفح


شكر لك

 

[محمد بن شتير]

المشاركة الأصلية كتبت بواسطة سالم الراشدي

محمد بن شتير


حياك الله يالذيب ..
نص جميل رغم بساطته


صحّ كلك ولاتحرمنا جديدك العذب

ابقاك الله يا سالم


والف شكر لمرورك الكريم يا الغالي

 

[أكرم التلاوي]

محمد

نص عذب وانسياب مميز
صح قلبك ولا هنت
في انتظار جديدك

لك ودي

 

[محمد بن شتير]

المشاركة الأصلية كتبت بواسطة أكرم التلاوي

محمد

نص عذب وانسياب مميز
صح قلبك ولا هنت
في انتظار جديدك

لك ودي

اكرمتني بمرورك يا أكرم


واشادتك تعني الكثير يا شاعرنا

الف شكر يالغالي

 

[عبدالله العويمر]

نَص يَقْتَرب ُ مِن العَفْويّة ، وعَذب



جَمِيْل يَامحمّد