مشاهد فاضحة

[عبدالعزيز الرميحي]

كل المشاهد فاضحه وآخر وضوح
ــــــــــــ صدقتها .. كذبتها يا صاحبي



لا تحسب أن السالفه مرت مزوح
ــــــــــــ إرتحت بالترحال وقت إرتاح بي



كتبت جرح وجرح وأدمنت الجروح
ـــــــــــــ حتى بكى ليل الجروح وصاااح بي !



يا صاحبي لو مت شاعر وين أروح
ـــــــــــــ وجه القصيد إن شح بي / ماشاح بي



غنيت لـ أطياري على الغصن بصدوح
ــــــــ نادتني أمطاري وزهري باح بي



ما همني مد المدى يصبح شحوح
ـــــــــــ مادام هاجوس الغلا يجتاح بي


ماجيت أدوّر في عتام الفكر ضوح
ـــــــــ ولا طحت في دونه ودونه طاح بي !