العنود المستحيله

[عادل الظفيري]

للغياب الحقيقي والحزن الأبدي

صاحبي ياغبن قلبي وعزتيلـــــه=كل ماترعد بروقن في سماهـــا
ذكرتني بعام تسعين وهميلـــــه=يومها فارقت من قلبي معاهــا
بنت حرن تسكن بقلب ومخيلـــــه=كالبدر واليا ضحكت زادت حلاها
من وانا صغير وقلبي مهتويلـــه=كني اللي منخلق اشرب ضماهــا
الجفول اللي خذت عين الكحيلــه=غيرها حرمت عن قلبي إيهواهـا
بيننا عهدن فلاأدور بديلــــــه=وأقسمت مثلي بعهدها من وفاها
لين فرقنا العراق بغزو ليلـــه=وشتت ارواحن تعانق من صفاهـا
ومن هذاك العام قررت أهتديلــه=أسأل الناس وادور من خذاهــا
كل مامريت شارعها اشتكيلـــــه=واترك ارقامي غدي صدفه تراها
اقنع بنفسي واناادريبه إمشيـله=ولااتركتلي غير حرفين لرثاهـا
والحصان من الوفا تسمع صهيلــه=منفطر قلبه وروحه مابغاهـــا
يالجعيب بداخلي همومن ثقيلـــه=وأنت تجهل قصتي في مبتلاهـــا
شتهقا برجال ضيع له أصيلـــــه=يقصها عشرين عام ولالقاهــــا
راحت سنيني ولازلت احتريلـــــه=صدفتن ربي يحقق لي مناهــــا
كل ماتذكر لي بديره آعنيلــــه=من الكويت لديرةالجربا وراها
ضاقت الدنيا وأنا روحي عليلــه=داخلي حزن السما يطمس ضياهـا
ليتني ادري وين له هقوه واجيله=مير ماش اخبار تاملي لقاهــا
إيه ياتـركي فلا باليــد حيلــه=كل ماتطري تهل العين ماهـــا
ومن يلوم كليب في حب الجليلــه=يوم ذبح التبع وكفه حناهـــا
كل مانادوا العنود اقول ويلــه=نبض قلبي ياقف لطاري نداهــا
صاحبك عشرين عام مهد حيلـــــه=ولاتعبت بداخلي شيلة غلاهــــا
عايشن بآمال شوف المستحيلــــه=لين ياقف نبض قلبي عن رجاهـا
عادل الظفيري