أغليك

[نايف المالكي]

أغليگ وأعزگ ومنزلگ .. فــ العين
ولگ المحبه خالصه .. واحترامي

يالغالي اللي جابگ اثنين .. غالين
سامي ولگ طبعٍ مع الناس سامي

فيگ الجمال ومنگ يا المترف الزين
سحر عيونگ فيه يكمن .. غرامي

فيگ أنفتن قلبي وهايم له .. سنين
وحبگ بلاي اللي سطى في عظامي

تغيب عن عيني و ما غبت للحين
عن خاطري .. يا حب مسگ الختامي

فيني الوله والشوق .. من ساعة البين
سيلٍ جرف خافي المعاليق .. طامي

صوتي دعا والجرح .. نزف الشرايين
يالله عساها تصيب يمگ .. سهامي

هذي صواديف الزمن ما بها لين
تجري بنا ما بين .. شرقٍ وشامي

ويا طير ما دامك تروم .. الميادين
وصل لدار أهل الحبيب .. سلامي

 

[رشا عرابي]

حُيّيتَ سكباً من لألاءِ الدّرِ تماهى بالبوحِ شِعراً
يا نواف

أهلاً بك ألف
ولك التّحايا من وريد العِطر جوري

 

[سعد الراشد]

مبدع شاعرنا العذب

 

[رزان سالم]

نايف المالكي
اهلا بك
طاغي باالجمال
دمت بهذا التألق
أختك رزان

 

[عبدالإله المالك]

في البدء حييت في أبعادك أدبية
أفضلت وقدمت شعرا جزلا

 

[بلقيس الرشيدي]

أهلًا كبِيرة بأناقتك الشعريَّة وهَذَا الغيم الزاخِر بِالمطر
يِصح احسَاسك ولك جُل التقدِير .

 

[وليد الفالح]

نايف المالكي
حضور فخم يستحق الاحتفاء
وشعر يستحق المتابعة
تقديري

 

[نايف المالكي]

المشاركة الأصلية كتبت بواسطة رشا عَرّابي

حُيّيتَ سكباً من لألاءِ الدّرِ تماهى بالبوحِ شِعراً
يا نواف

أهلاً بك ألف
ولك التّحايا من وريد العِطر جوري

اسعدك الله وكل الشكر والتقدير .. لكرم مرورك ويشرفني وجودي بينكم