من هو كفو عقبك يجي يحتويني ..!

[عيسى خلف العنزي]

لكم .. لها .. للووقت .. للدنيا .. للحياه .. ولكل شي ..



وقتي تحداني و وقتك تحداك
لذا اسمعي ابياتي ومعها افهميني

لا ترسميني في خيالك وذكراك
خلي خيالك يبتعد لا يجيني

لاتحتريني اضوي الليل وياك
نوري طفى نامي ولا تحتريني

لاتاقفين من الوله عند شباك
انسي ملامح جيتي واعذريني

لاتسأليني عن سبب يبسة شفاك
شوفي غيومك حاولي ترتويني

احيان احس بداخلي شي يضماك
واحيان احسك داخلي تجمعيني

واحيان اطيح وانكسر اتحراك
واقول وينك..! قربي احضنيني

احيان اشعر أخر الليل ابلقاك
واقف وامد لهالفضى راحتيني

واتخيل انك واقفه عني هناك
والمح بعينك دمعتن تحتريني

واحس كن دمعتك في عيني اشواك
واجيك وامسح دمعتك في يميني

واتخيل انك ساكته ما اسمع حكاك
واقول وينك قربي كلميني

واتخيل انك ماشيه تبعد اخطاك
واسمع صدى قلبي يقول اعتقيني

ما في امل انسى جميلك لو انساك
يومك خذيتي دمعتي من يديني

ما اجمل من الدنيا اذا حل طرياك
الا اني اشعر في غيابك تجيني

عندي سؤال لهالبشر بعد فرقاك
من هو كفو عقبك يجي يحتويني ..!



.
.


اخوكم : عيسى العنزي ..

 

[الجفول]

الله الله

البناخي عيسى خلف العنزي

ونص ينم عن شاعريه متفرده وكلمات ليست كالكلمات سرت على مسامعنا كتغريد العصافيرو ورائحة الرياحين

لله درك والله لا يضرك

تحياتي

 

[عيسى خلف العنزي]

المشاركة الأصلية كتبت بواسطة الجفول

الله الله

البناخي عيسى خلف العنزي

ونص ينم عن شاعريه متفرده وكلمات ليست كالكلمات سرت على مسامعنا كتغريد العصافيرو ورائحة الرياحين

لله درك والله لا يضرك

تحياتي

الجفووول .. صدقيني عزيزتي مرورك من هنا يعني لي الكثير ..


لك كل الود والاحترام والتقدير ..




,

 

[فرحَة النجدي]

من هو كفو عقبك يجي يحتويني ..!

لا أحد
إذ لا أحد يملأ جيوب الروح سوى الحبيب !

جميل جداً ، صح كلك

 

[عيسى خلف العنزي]

المشاركة الأصلية كتبت بواسطة فرحَة

لا أحد
إذ لا أحد يملأ جيوب الروح سوى الحبيب !

جميل جداً ، صح كلك

بل الجمال هو وجودك هنا عزيزتي .. كل الشكر والاحترام لكِ ..



،

 

[ظافر الهرمسي الهاجري]

صح الله ألسانك يا عيسى

ولا هنت على الوافية

تقبل مروري وأحترامي

 

[عيسى خلف العنزي]

المشاركة الأصلية كتبت بواسطة ظافر الهرمسي الهاجري

صح الله ألسانك يا عيسى

ولا هنت على الوافية

تقبل مروري وأحترامي

وشكرا لك عزيزي .. احترامي وتقديري ..



,

 

[فاطمة ناصر]

ما اجمل من الدنيا اذا حل طرياك
............ الا اني اشعر في غيابك تجيني

عندي سؤال لهالبشر بعد فرقاك
......... من هو كفو عقبك يجي يحتويني

عيسى خلف العنزي
حرفك يفوح ترفاً اخي الكريم
مما سيجعلنا متعطشين لابداعك دوماً
مساؤك مسكْ وجوري .!