ماباقي الا دمعة داخل العين ..كتمتها لكنها غصب سااااااالت

[عيسى خلف العنزي]

,


محتاج اغير جو عن جوي الشين
................ ومحتاج اقاوم بي هــموم توالت


ومحتاج انا في غيبتك اية ايدين
................ تحمل خفوقي تنفض جروح طالت


انا ادري انك في غيابي تحنين
................ وانا ادري ان اصوات همك تعالت


لكن انا ماعدت اقدر على شين
................ وش عاد بيدي دام الايام حااااالت


حسبي على دمع سكن داخل العين
................ وحسبي على دنيا على فراقنا الت


لاتسأليني عن جروح لها سنين
................ مدام روحي بحبها حيل ناااااااالت


ودي اسمعــكم انا بس بيتين
................ مدام زال الكون بس هي مازالت


بنت تسولف للقمر عن محبين
................. وبصوتها بلحن المحبين شااالت


ماباقي الا دمعة داخل العين
................. كتمتها لكنها غصب سااااااالت



.
.

مخرج لا لون له :

الدمعه الي طاحت وكنها غم
طاحت من عيونٍ تعبها ذرفها

تجرح عيوني لين خلقي يتكتم
على مواجع للأسف ماصرفها

تعبت انا ارسم بسمتي رغم هالهم
تعبت انا اكتم ضيقتي واعسفها

الجرح ماهو لازم يصاحبه دم
وبعض الجروح الدم ليته نزفهااا

.
.



اخوكم عيسى الجعفري العنزي ..








,

 

[عبدالرحمن السمين]

عيسى

،

نقاء ٌ وصدق في معاناة الشاعر المحب .
صح قلبك ونبضك

مودتي لك .

 

[أحمد حياء]

بنت تسولف للقمر عن محبين
................. وبصوتها بلحن المحبين شااالت


ماباقي الا دمعة داخل العين
................. كتمتها لكنها غصب سااااااالت


عيسى العنزي

صح لسانك ...وبيض الله وجهك ...
تحيتي

 

[عبدالله العويمر]

عِيسى
وحَديْثُك الشّفّاف يَأخُذ مِن الرّوح الكَثِيْر

سَلِم نَبْضُك

دُمت

 

[سعود نصار الخمسان]

عيسى العنزي

صح الله لسانك

ولاهنت على نصك الجميل ومخرجه الرائع ..

تقبل مروري

اخوك

سعود

 

[ماجد العيد]

مستقر الحرف لديك يا عيسى أرضُ ربيعِ شعر

و أشكرك و أنطقها مراراً

 

[عيسى خلف العنزي]

المشاركة الأصلية كتبت بواسطة عبدالرحمن السمين

عيسى

،

نقاء ٌ وصدق في معاناة الشاعر المحب .
صح قلبك ونبضك

مودتي لك .

صدقني اخي عبدالرحمن .. وجودك هنا يعني لي الكثيير ..


احترامي وتقديري ..




.

 

[عيسى خلف العنزي]

المشاركة الأصلية كتبت بواسطة أحمد حياء

بنت تسولف للقمر عن محبين
................. وبصوتها بلحن المحبين شااالت


ماباقي الا دمعة داخل العين
................. كتمتها لكنها غصب سااااااالت


عيسى العنزي

صح لسانك ...وبيض الله وجهك ...
تحيتي

ووجهك ابيض اخوي احمد ..


احترامي وتقديري ..


,