هذي أنتي من عرفتك !!

[سعـد السعـيـدي]

السلام عليكم
:
* عيدكم مبارك *
* وكُل عام وأنتم بخير *

\

مو جديد الضيق بعيونك عَليْ..
ـــــ لِيّ عمر ويّاك.. ماجابك .. جـديـد..!

هذي إنتي من عرفتك../ ممْتِليّ
ـــــ وجهك الشاحب نِهايات / وقصيـد..!

كنّك الليـل الطويـل .. الملّـتويّ
ـــــ بين جرح الأمس / والحزن العتيـد..!

لـ ابْتديتك.. شفتني فيك انْتِهيّ..!
ـــــ ولـ انْـتهيـتك.. اتّضَحْ شيّ ٍ أكيـد..؟!

(( أني اوّل من غدا بطيبه../ غَبِيّ..!
ـــــ وآخـر أللي من غباءة .. يـستفيـد..!! ))

يوم جيتيني.. وقِلّت لي../ أبيّ
ـــــ (قلب) عن حُب العذارى ليّ زهيـد..!

قلت: كم شخص ٍ عطيته في( يِديّ..
ـــــ قلبي) وكِنّي على جروحه أزيـد..!!

يـوم ( رَدْ ) وألـف جرح ٍ به../ نِـدِيّ
ـــــ لا كِفنّتْ العُـود ، مَهّتْدت الوَليـد..!!

قلتي: واحلامي ! منو فيها وصيّ..؟!
ـــــ لـ اخْتنق من كثرها حبل الوريـد..!!

قلت: وان راااحت ، عساها../ ماتِجيّ..!
ـــــ رُوحَةْ أللي روّحَتْ رُوحةْ شهيـد..!!

عادتي مـَ ارّكض ورى أللي ماهو../ لِيّ..
ـــــ والقريـب أحيان مقسـوم لـ[ بعيـد]..!

قالت: افْهمْنِي -دخيـلك- فيه شيْ..!
ـــــ اقسى من وقتي مَعَ [الحظ] العنيـد..!


تدري وشو ؟
لا دفنّكْ الليـل../ حيّ..!!
ـــــ بين رجم الضيق / والحزن العتيـد..!!

يِبْستْ غصوني ،، فلا باقي طِـريّ..
ـــــ شوفها فيـني كِمـا اسْوار الحديد..!

شيـلني بعيـنك [ أمانة ].. خـلّـنِيّ..؛
ـــــ عـدّنِي ( أيّ شيّ ) زايد مايِفيد..!!

كنت اصدّقها.. على فالي واجيّ..
ـــــ لا شعرت ان برّدهـا اصْبح جليـد..!!

اشْعل ضلوعي -لها- لين انْطفيّ..!
ـــــ وارّجع اشْعلني من جروحي وازيـد..!!

وان لمحت الدمـع فيـها../ مَمْتِليّ..؛
ـــــ صارت كفوفي كِمـا خضْر الجريـد..!!

وانْطوي فيها / معاها../ وانْطوي..؛
ــــــ مثل صفحة ، أرجعْ افْتحها../ واعيـد

أثّرهـا جتني على نيّةْ../ سَبيّ..!
ـــــ تنهب احساسي مع قلبي../ وتسيـد..!!

قلّبهـا سايد على سُود العِبيّ..!
ـــــ ونبضها ذنب ٍ .. ذبـحْ طُهر القصيـد..!

يوم جتني -سمّهـا- فيني يِعَديّ..!
ـــــ حـَاوَلـَتْ لكـن .. مِعِي أزْرا يـفـيـد..!!

وانْزوَتْ في كيـدها (تحتي) زويّ
ـــــ مثل كِلْ كايد يُـخون.ابْه المكيـد..!!




والسؤال أللي كـبـر فيـك ، وعّليّ..؛!
ـــــ ليـه خنّتِيني وانا (القلب) الوحيـد..؟!

0 0 0

 

[حنان العصيمي]

(( أني اوّل من غدا بطيبه../ غَبِيّ..!
ـــــ وآخـر أللي من غباءة .. يـستفيـد..!! ))


قلت: كم شخص ٍ عطيته في( يِديّ..
ـــــ قلبي) وكِنّي على جروحه أزيـد..!!

عادتي مـَ ارّكض ورى أللي ماهو../ لِيّ..
ـــــ والقريـب أحيان مقسـوم لـ[ بعيـد]..!


سعد يا سعد
هنا ؛ رأيت واقعاً ممزوجاً بالحكمة
وليتنا نستفيد ..
كل عامٍ وأنت بخير
وعساك من عوّاده

 

[زكيّة سلمان]

قصيدة رائعه جداً ياسعد
كل عام وأنت بخير..

 

[أمجاد محمد]

رائعه جدا
صح لسانك
شكرآ