أطـلـــق يـــديـــا

[رجا المريخي]

[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]منطوي لحالي بهمي خلني عايش وحيد = كل شي عندي خسرته وش بقى ماأخسره

حلم عشته بالطفوله صار عندي كالفقيد = وين أبلقى حلم ثاني في زمان السمسره

والله إن الجرح منك صابني في كل وريد = شف نزيف جروحي الي منك قلبي تعصره

يالله ياقلبي تعلم يمكن إنك تستفيد = غدرهم خلا حياتي الهاديه مستنفره

إصبر الليله يقلبي خابرك والله عنيد = وإنتي يعيوني كفايه خلي دمعي بمحجره

الزمن لو مايطيعك طعه وإصبر عاالشديد = ماتظيق إلا وتفرج والي مثلك يخبره

صرت أنا عايش لحالي عيشة الشخص الزهيد = والزمن مايوم قصر حتى هالقلب إدمره

والصبر وصل حدوده مابعد شفنا جديد = هالحزن فيني تزايد من قليله لأكثره

عيشتي صارت مآسي بعد ماكانت رغيد = عادت الدمعه لعيني بعد ماهي مهاجره

وش يفيد الحين هرجي لوأزيده أو أعيد = ودي أطلبكم وخايف هالطلب تستكثره

ياحزن هالكون كله خذ مني ماتُريد = بس أبي تطلق يديا والغدر لك بغفره[/POEM]

 

[قايـد الحربي]

رجا حميد
ـــــــــــ
* * *

وقصيدةٌ تصرخ ..
كأنّ شطريها قضبان .

جميلٌ وأكثر .

 

[رجا المريخي]

المشاركة الأصلية كتبت بواسطة قايـد الحربي

رجا حميد
ـــــــــــ
* * *

وقصيدةٌ تصرخ ..
كأنّ شطريها قضبان .

جميلٌ وأكثر .

أهلاً بحضورك العذب أخي قايد

لك ودي

 

[إغفاءة حلم]

قصيدة جميلة

وعسى الأحزان تفسح للفرح بمقدارموطأ قدم

صح لسانك أخوي ..

 

[العـنود ناصر بن حميد]

رجا حميد

يناجي قلبه

فيكتب نص

ويُبكي الغيم

صح قلبك

ودمت بفرح

 

[رجا المريخي]

المشاركة الأصلية كتبت بواسطة إغفاءة حلم

قصيدة جميلة

وعسى الأحزان تفسح للفرح بمقدارموطأ قدم

صح لسانك أخوي ..

أهلاً بك أخيتي وصح الله بدنك

وشكراً لك من القلب على هذه المشاعر الرقيقه

إحترامي وتقديري

 

[حنان محمد]

الزمن لو مايطيعك طعه وإصبر عاالشديد = ماتظيق إلا وتفرج والي مثلك يخبره

رجا حميد

أكثر من رائع

لك تحياتي ..

 

[خالد العقيل]

رجا حميد
رائع هذا النص
اجمل تحيه