إشتقت/لي

[بدرالموسى]

كل هذا ما عرفتي

إني بغيابك أضيع

وان هالكون بحدوده

بي يضيق

تختفي أربع فصوله

ينتظر فصل الربيع

ويحتري لحظة وصوله

وإني بغيابك أضيع

واني أسأل هالسوالف

عن مكانك

عن شبابيك التواصل

ووجه بابك

وش لقيتي في غيابك

وش جنيتي

وش جنت حضرت جنابك

ولا بغيابك نسيتي

اني بغيابك أضيع

 

[بدرالموسى]

يمه وينك
يمه طفلك لا بكى من يفهمه ؟
من هو يمسح دمعته ويلملمه ؟
من هو يفهم حاجتي لطعم الحنين ؟
ما تجين ؟
شوفي بعينك عيوني متمتمه
دمع عيني من هو غيرك يفهمه ؟
يعني طفلك ما بدينه أي خيار
الزمن بدل حنانك بالجدار
يمه وينك
ما تجين ؟

 

[بدرالموسى]

وش الدمعه على ابوابك
على خذلان اصحابك
على غيابك
على اوطان منسيه
على احلام ورديه
على احزان مرثيه
وش القصه
وش الغصه
تعال احكيلي واحكيلك
وتمسح دمعة جراحك
وتشكيلي
وأنا أسكت
وأشكيلك
يطوف الوقت ما ندري
اثاري هناك مو دمعه
هموم .. احزان والغربه
جفا أوطان مغتصبه
بقى واحد على حسابي
وعلى الدمعه
عشان تصير هالستة [ 6 ]
على خد الجفا [ سبعة ]

 

[بدرالموسى]

اذكر اني
كان حلمي
اكبر وأصبح طبيب
واسمي يتعلق في لوحة
فوق جدران النجاح
حلم ضايع
وسط شارع
صار همي بالرغيف
صرت اللقمة طموحي
نومتي فوق الرصيف

 

[بدرالموسى]

تعال ورتب الفوضى
واذا تقدر ترتبني
أبي كل الجنون اللي
سكن في داخل جنونك
أبي أشربك من شوقي
وأبيك بشوق تشربني
أبي أفقدني وألقاني
بدون شعور بعيونك

 

[بدرالموسى]

تموت الروح تتلاشى وتنبت بالكفوف أرواح
وأسافر في متاهات الحنين لضحكة أخواني

فتحت الباب للضحكة تقابلني أسى ورماح
يا ليت الباب سكرته عشان أعيش وحداني

قفلت الباب وأوصدته رميت بوجهه المفتاح
حزين ولا رضيت الا أعيش بهمي وأنساني

 

[بدرالموسى]

ارفعي راس الأنوثة
قولي كيف
طاحت البسمة
مع اوراق الخريف

 

[بدرالموسى]

حط نفسك في مكاني
عيش ذلي والمهانة
البراءة والطفولة
يا صديقي ما تفيد
وان شبعت يكون عيد
قبل لا تصور أمانه
ودي أسأل يا زماني
عن فقير يموت مثلي
ما عرف شكل المدارس
والطفولة والملابس
إلا حالة
إنه في عالمك عالة
ما يفرق بين حاله
والزباله