نـبـكي ضـمـا

[ابراهيم الخطيمي]

صباح الخير.. للجميع

أهديـها من القلب...واتمنى ان تقبلوها

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]

راح العمر صافي بكفك امانه=لا تكسر الخاطر واتجهل مكاني
دربٍ عرفته في وصالك عطانه=لا تبخل الطيب وتشوفه عماني
يحكي قصيدي لشعور وجدانه=كيف الليالي سودها في زماني
نبكي ضما واللي سقى ما روانه=مثل المكان اللي جمعنا رماني
هذا نصيبي لو نصيبي مدانه=توني بدايه من طريقك خذاني
اجلس رويده كود نعرف خطانه=وان صحح اللي فات قبل الدفاني
ليله سماها يحتري وش عشانه=يذكر سوالف والغلا والمعاني
خاف العمر يرخص كفوفك بدانه=وانا كثير اللي طلبني وجاني
احذر تبيع الروح واعرف غلانه=مثلي فدا عمره ومحدٍ فداني
لاجيت اطفي نار ثور دخانه=كل الهموم اللي نساها كياني
دبر خفوقي موعدٍ به لقانه=يجمع وصالي في وصاله ثواني
ياطيب قلبك في حياتي عسانه=ما نفترق دام العمر به حياني [/POEM]

لكم ارق التحايا