[ أرشيف : روح ] .

[وجدان الأحمد]

أجمل الأوطان إنتْ .

يدري فيني لا رحلت : ماتردني إلاّ عيونه ،
_______ لمّا ألمح فيها كلمة ( مالي غيرج ) يا حياتي !

ظنّك إنّي لا رحلت ..
ممكن بـ لحظة أخونك ؟
يا حبيبي خنت نفسي ،
لجل مااااخيّبه ظنّك ..!

وإفترقنا
وإفترقنا
وإفترقنا
وإفترقنا
راح كلٍ في طريقه ،
خاب ظنّي بـ الليالي
وقمت أصفّقها كفوفي
ياما قالولي يخونك
ياما شافوني عنيدة
أحضنك وأحضن طعونك
وآتحرّاها عيونك
قالوا : آخر حبّه جرح
لملمي باقي سنينك
وإحذريها هـ النهاية
كنت أصرخ : ما أبيكم
شارية حبّك بـ عمري
ولا أبد أنساه قربك
طيبتك ، خوفك ، حنانك
و كل كلماتك : لـ عيني
و وصفك الدافي لـ زيني
أسألة منّك تجيني
ليه تغليني وتبيني ؟
والإجابة : مالي غيرك
يعني إفهم يا حياتي
دونك الأنفاس : توقف
وتختنق ألفين شهقة
وأزفر إسمك لـ أجل أعيشك
وأوعد الإحساس الأجمل
بـ أنّي ملكك وبْيدينك
عمري ما أبدّل حنانك
أو أخلّيها ديارك
أصلاً التاريخ إنتَ
حتّى نبض القلب إنتَ
وأجمل الأوطان إنتْ
يـ اللي عشتك وإنتهيت
ما بقى فيني بقايا
إشتهيت إنت رحيلك
وإنطفت أغلى حكاية
كنت أظنّه مزح لكن
شفت صدّك يحتريني
ويصفع بكفّه وجوهٍ
حلمها : طيفك يجيني
بسسسسس طيفك ،
يشهد الله !
ما أبي أي شي منّك
شفت صغري وصغر حلمي ؟
وللأسف ماقد تحقٌق
كان بيدك لا تكابر !
ما أظنّه صعب عنّك
بس شهوة هـ الفراق
كانت أكبر من أماني

وإفترقنا
وإبتسم فم العذول
وإنقتل حلمٍ صغير
وماتت بـ فرقاك : طفلة !
وماتت بـ فرقاك : طفلة !
وماتت بـ فرقاك : طفلة !
وماتت بـ فرقاك : طفلة !