وهم

[أصيله المعمري]

إهداء لكل من يبحث عني بصدق . . .



~


لو تنجبر سفن الشعر ابداخلي
ما شفتني اسرق من شراعي عمر

ماتت مؤانيهم بكر في ساحلي
ما عاد لي من هالبحر إلا الزفر

محدن درى كم شاعرٍ فيهم هلي
فرسانهم ما صدقوا.. أول خبر

تصهل خيول الشعر ، تنهش كاحلي
فجأة ننادي بـعضنا ، وسط الصور

تصرخ بهم أشعارهم وين الولي
قدامنا أقلامهم تكسر كسر
~
ياهم: وَهِمْ / واسال عشيرة بن "علي"
اللي انطعن أستاذهم قبل الفجر

نقرأ الآذان الثاني قبل الأولي
نكتب بعض أوهامنا بس بالنظر
~
يا صاحبي خلك من اللي قال لي
واسمع بقايا قصتي، بالمختصر :

كن كل قصيدة من فمي ما هي بلي
كل الكراسي فـ ساحتي بس للذكر

شفني وانا املي هالسفينة بي ملي
تحرم علي وان كان ساحلها البدر
~
كم عاقل ٍ يحسد حظوظ الجاهلي
في هالوطن يشبع مشايخنا فقر

نحفظ قصايد غيرنا حفظ ٍ خلي
نكتب عواطفنا ولا فينا شعر
.
.




أصيلة المعمري