السلام عليكم ورحمة والله وبركاته
.
كل عام وأنتم بخير
.
أثر العمر رحله
والآدمي رحّال
.
مره تجي سهله
مره بها أهوال
.
ما في أبد مهله
تجوال في تجوال
.
من جزله لهزله
تتغير الأحوال
.
والناس في غفله
واحيان ف استغفال
.
أحد شرب دجله
قال العطش قتال
.
وأحد نقض فتله
ما قلت يا فتّال
.
وأحد مشى برجله
مشوار ما ينقال
.
ما ينتقل نقله
إلا مثل دجّال
.
دايم مع الطبله
تلقى أحد طبّال
.
من حفله لحفله
والحال نفس الحال
.
وأحد رمى بثقله
في كفّة الآمال
.
لا وزن لا كتله
لا فاز والا طال
.
واللي اشترى عقله
خايب مع العقّال
.
بالمعرفه الضحله
هذا الزمن شغّال
.
فيه ارتفع سُفله
فيه انخفض رجّال
.
وأثر العمر رحله
والآدمي رحال
آخر المشاركات
06-28-2023, 02:09 AM
دايم مع الطبلة / تلقى أحد طبّال
العرض الشجري