المراجل

[نواف الشرمان]

مساء الخير\\\ لابعاد الادبيه


متواضعي









يعني جاي اللحين يمي..تسأل ..اشـ سبة عذابك= يااخي قايل لك من اول..الزمن هذا عجيب

شعبنا لما يردد(افرح_افرح)في شبابك= وش ترجى قدسنا اللي صابها جرح ٍ عطيب

والمصيه..ان حكيت يرد اخوي بــ من درابك؟؟=من درابك!! هي بلانا.. افرحي يا(تل ابيب)

انا عن نفسي ابحكي ..وانت احسب في حسابك= من سكت شيطان اخرس حقنا مافيه عيب

وانا مالي فـ السياسه \ لاتخاف \ ومن ثيابك= عارف انك \\ والاتدري \\ خذ من دلو القليب

الحياة اللي تشوفه..شفت ياهي كم تشابك= جبتها ..منا ..ومنا..واسمع الراي الصويب

لاتشكئ..عيب..يعني لو ضحكت الجرح هابك = لاتألم لو هو مؤلم..قل يومين ويطيب

ولاتحسب ان كل واحد راح يسأل في غيابك= وده بـقربك ..تأكد..بعضهم وده تغيب

وصاحب ٍ يقفي ..وصاحب بالمواقف طق بابك = موقف يقرب بعيد..وموقف يبعد قريب

وشي طبيعي ..في ملقف راح تجرح في عتابك= ان تمادوا بك تبسم ضحكتك ..تعني لبيب

وان خذا قلبك غرام ٍ لاتقول انه سرابك=يصغر العاشق لـ غنى (طحت من رمش الحبيب)

وان رقيت بيوم(غيمه) لااتجاهل من رقابك = ينزل الكابتن..وتنزل..رحلتك بيد الغريب

والله الله بالعطايا..ولاترد اللي هقابك = وان تعدتك المشوره ..لاتدوُرها طليب

واعلم ان الخلق كله لو تجمع في مصابك= ماتودي ..ولاتجيب..وكلها بيُد المجيب

وانفرد دايم بنفسك ..ساعة ٍ واقرا كتابك= رد حق اللي ظلمته..واسترد شي ٍ سليب

ولاتكلم وانت غاضب ...راح تندم ويحكابك= فالسكوت احيان ابلغ..لاتسوي به خطيب

ولا اترجى طيش غيرك..اشرب بيمنى جنابك = فــ النصر يبغى اراده..والزمن يحتاج ذيب

وابن عمك للزمان ..وانت عزه لانتخابك = سيف يمنى \ درع صدر\ وسعد فــ الوقت الصعيب

وفــ الطريق اللي مشيته لازم تزهب زهابك = فــ(المراجل) لو هي سهله كان كل ٍ له نصيب