يا سيد الجرح

[سعد المطلق]

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا سيد الجرح علمني وش الطاري=خليتني للسنين الجرد تطرقني
مابين كف الضياع وخطوة الساري=ولعة راس الفتيل وقام يحرقني
يكفيك ليل الغرام وقلبي الشاري=ويكفي غيابك من الا يام سارقني
يا اول مسا فات عمري واخر اقداري=على رصيف انتظارك لا تعلقني
مااطيق بعدك ولا ني للجفا ضاري=خذني معك روح غربني وشرقني
حلمٍ يجي بالمنام ويفضح اسراري=ما كنه الا نذير الموت خانقني
حتى لو الطيف يسالني عن اخباري=لا مد حبل الوصال ولا هو اطلقني
حطمت فيني طموح الوقت واصراري=سبقت الا وهام والا وهام تسبقني
حاولت اساير نزيف الجرح واداري=حسبي على الجرح نطقته ونطقني
مليت اصبر سكوتي واسال اعذاري=واقول باكر رماد الجرح يعتقني
عزفت لحن الحزن كله على اوتاري=والمشكله لا نسيتك جيت تلحقني
ما عاد يمدي صباح الخير يااشعاري=الموج عالي واخاف اليم يغر قني
الله وكيلك تعبت وتاه مشواري=ياترحم الحال والا انك تفارقني [/POEM]