ضحضاح خد !

[رضا الهاشمي]

صاحبي والعمر يتخطى الدروب

درب عشق و درب شوق و درب تيه




خايف ٍ في يوم تبعدنا النحوب

و اللقا ما عاد بالفرقى نجيه




صاحبي وشلون عن حبك أتوب

وانته قلبك فاتح ٍ لي راحتيه




آه من حبك ومن عشق ٍ يجوب

في سهر ما رام يغمض مقلتيه




يا بو وجه ٍ ينجلي به كل حوب

ويا بو ثغر ٍ ترتع الدانات فيه




كيف ألقى في تفاصيلك عيوب

وانته بدر ٍ يوله الداجي عليه




شفت نحلة شهْد تترياك صوب

خد ضحضاحه تحن الشمس إليه




ليه يا بو صدر بفوادي لعوب

ليه ليه وليه ليه وليه ليه




أعشقك عشق المنيرة للغروب

واعڜقك عشق الضنا لأمه وأبيه




الحياة لو تمتلي كلها خطوب

آتناساها على شوفة وجيه




وجه لو مملي تجاعيد و حبوب

مدري ليه اشفاه قلبي تشتهيه ؟




ليش عود البان لابس منك ثوب؟

وليش عودك ميّل الارض بمشيه؟




آه من أهداب ترسم لي حروب

وآه من نظرات خلتني سفيه




والله انْ وجهي قبل شوفك شحوب

وبعد شوفك شوف ضحكة حاجبيه




والاجابة ف (جسم كنه مثل كوب)

فيه خمر ن من شفاهك تسكبيه




والجواب ف (ليل ينثره الهبوب)

عن سؤال ن كان لك جدا وجيه




لا سألتي خافقي بصوت ٍ عذوب

(ليش ف عيونك انا مالي شبيه!)

 

[رشا عرابي]

المدخل
رهافةٌ تترى
والخاتمة تتمّة لغدق المشاعر
بسؤالٍ شفيف المقصد


سلم البنان والبيان

 

[سليمان عباس]

رضا الهاشمي
ابحار بديع وجمال مشرق
صح لسانك

 

[رضا الهاشمي]

الله يسلمكم ويبقيكم

تسلمون على الاطراءات والتعقيبات الجميلة

اخوكم / رضا الهاشمي