ملاحظات غير مهمة..! مدونة يومية للجميع....

[خالد الحبشان]

المشاركة الأصلية كتبت بواسطة زخات مطر

الأحد - 11:24 م

تقول لي ابحثي داخل جهازك ربما يوجد به ملفات تجسس ..

بحثت وعندما رأت ، قالت جهازك به ملفات تجسس انتبهي ..

قلت ما الحل إذن ؟

قالت "فورمات"

قلت لا أريد .. وها أنا أقوم بالمسح حتى يتمكن من حذف ملفات التجسس جميعها ..

أتمنى لأجهزتنا السلامة ..

"المخترقين ما يخلون أحد بحاله" !

وش هي الرسالة اللي طلعت لك ؟
دائما مظلومين الهكر
على طاري ملفات التجسس واحد من الزملاء دخل منتديات مدرسة المشاغبين الآ جهازه يطنطن من كثر الفيروسات
من باكر يسألني خالد وش حاط بالمنتدى هذا وأنت الإدارة فيه ياخوي يخوف المنتدى كله فيروسات
قلت منتدانا مايخوف أنتم أجهزتكم اللي خرطي

عاد يازخات محشوم جهازك ماراح أقول أنه خرطي
بس انا واثق مافيه ملفات تجسس واذا كان فيه ملفات تجسس فالسبب هو إستخدامك وليس السبب من المهكرين

وش نوع الحماية اللي تستخدمينه
على العموم أنصحك بقراءة هذا الرابط فالمشاركين فيه أنا على خلفية تامة بهم خصوصا رد المراقبة معيوفة
http://www.bdr130.net/vb/t760628.html
وفعلا بيخدمك
ونصيحة لاتستخدمين أي برنامج حماية الا من الشركة نفسها كل برنامج أصلي معاه تفعيل الإشتراك
وأبتعدي عن أي برنامج فيه كراك أي برنامج فيه كراك هو يؤثر بالكمبيوتر
وكل البرامج اللي يحتاج لها أي شخص تباع بالمحلات التجارية المعتمدة
أتركي المحلات اللي يبيع البرنامج بعشرة ريالات ذا ماعنده سالفة
وسلامتك
وأي خدمة ترى حاضرين للطيبين