رحمة المعتوه ..

[أمجد الدبيسي]

[poem=font="traditional arabic,6,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

مـرّت ثـلاث ايـام ادوّر قصـيـده=تشفي غليل احسـاس وتعـدل الـراس
وكل ماتعـدا بيـت حاولـت اصيـده=وابني عليه آسـاس واعمّـر احسـاس
أليـن رآق البـال وان حلّـت إيـده=الشاعر اللي يكسـي احساسـه لبـاس
يالمترفـه يـا ام الغـنـج ياعنـيـده=ياللي حلاك مصحصح وعينـك نعـاس
ماترحمـي عاشـق لقـى فيـك قيـده=وبلل شفـات الحُـب وشفاتـه يبـاس
كنتـي كمـا الغليـون راع الوقيـده=ولاضقت أولـعّ مانطفّـي بـه اليـاس
وكنتي كما العصفـور لاقبـل نشيـده=وكنت الوحيد المنطرب بيـن هالنـاس
كنتي بقدومـك مثـل جملـه مفيـده=وكنت اعربك واكثر من الصوت الانفاس
وش غيـرك .. كنـك بقلبـي بليـده!=وش صار بك.. من سمم لقلبـك الكـاس؟
لكـن قبـل تبـدي حيـاةٍ جديـده=هذي غصونـي يبّسـت هاتـي الفـاس
مـن رحمـة المعتـوه وش مستفـيـده=لا يملـك اللولـو ولا يملـك ألمـاس
خلّك كمـا صـدك عنيفـه شديـده=قلبي رماده عقـب مـا ذآق الاقبـاس
ابي الخبـر منشـور وسـط الجريـده=ابي اقول .. الحـب يانـاس وسـواس
وألا السعـاده!! مـا انتـي والله سعيـده=باكـر بتجنـي من عمـا العقل الاغـراس
ولنـك قدرتـي تخدعـيـن الولـيـده=بقول وما للقول فـي قـرع الاجـراس
كنتـي ولازلـتـي بعيـنـي فـريـده=لكن بعينك صرت من عـرض هالنـاس[/poem]

 

[لطيفه الشمري]

الله .. الله ..
رآئعه يــآآ آمجد وخــآلقي ..

:

يــالــمــتــرفـــه يـــــــــــا ام الـــغــــنــــج يـــاعـــنـــيـــده
يـالـلـي حـــلاك مصـحـصـح وعـيـنـك نـعــاس

العجز فيه صوره جميله جــدآ .. حيل اعجبتني ...


:



كــــنــــتــــي ولازلــــــتــــــي بـــعـــيـــنـــي فــــــريــــــده
لـكـن بعيـنـك صــرت مـــن عـــرض هـالـنـاس

والقفله خيــآل ..
بصراحه نص استمتعت كثيرآآ بـ قرائته وتذووق احســآسه العذب ..
الف صح لسانك .!

 

[حاتم منصور]

كالعاده
جنون يفوق الوصف
ماذا أفعل بك فقد ملكت القلب بأسره يارائع
شكرا ً من القلب ولا تفيك

بيني وبينك القفله بنت كلب

أحبك

 

[سلطان الوثر]

رائع يا أمجد دائماً

ولأَّنك سعيت إلى القصيدة
وجدتها تهرول إليك

ألف شكر لك

 

[ظافر الهرمسي الهاجري]

يا الأجمل دائما ً أمجد

صح الله قلبك على هذه المقطوعة والنفس والرحابة في النص

ذوق والله يا أمجد

 

[عبدالله صلال العساف]

قصيده جميله
من شاعر اجمل
كالعاده يا امجد

 

[أمجد الدبيسي]

المشاركة الأصلية كتبت بواسطة لطيفه الشمري

الله .. الله ..
رآئعه يــآآ آمجد وخــآلقي ..

:

يــالــمــتــرفـــه يـــــــــــا ام الـــغــــنــــج يـــاعـــنـــيـــده
يـالـلـي حـــلاك مصـحـصـح وعـيـنـك نـعــاس

العجز فيه صوره جميله جــدآ .. حيل اعجبتني ...


:



كــــنــــتــــي ولازلــــــتــــــي بـــعـــيـــنـــي فــــــريــــــده
لـكـن بعيـنـك صــرت مـــن عـــرض هـالـنـاس

والقفله خيــآل ..
بصراحه نص استمتعت كثيرآآ بـ قرائته وتذووق احســآسه العذب ..
الف صح لسانك .!

اهلا بالشمريه لطيفه

الجمال يكمل بتواجدك النيّر

وثنائك يستحقه قلبك النبيل

شكرا لكلك

 

[أمجد الدبيسي]

المشاركة الأصلية كتبت بواسطة حاتم منصور

كالعاده
جنون يفوق الوصف
ماذا أفعل بك فقد ملكت القلب بأسره يارائع
شكرا ً من القلب ولا تفيك

بيني وبينك القفله بنت كلب

أحبك

قدومك مطر ياغالي
وشهادتك اعتز بها كما اعتز بمحبتك
شكرا لقلبك عليك