بعد الفراق

[بدور الفارس]

مصافحه اولى اتمنى ان تنال اعجابكم

[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مديت لي فنجال حب وتقهويت =بإسمك نطق قلبي ويمك دعاني
اجيك كلي شوق والقلب لك بيت =تسقي عروق القلب حب وحناني
اغليك انا واغليك وإلليا تغليت =أغليتك أكثر وأنت سبة إجناني
أهواك وأعشق جيّتك وإن تعاليت =أعشق غرورك لوأنا منه أعاني
وبعدالفراق أشوف بإني توفيت =لا القلب قلبي ..لا مكاني مكاني
لولا غلاتك ماتعنيت أو جيت =يم المكان إللي بدونك كواني
لعبت بي الدنيا وبعدك توذيت =حظي وجرحك وأمنيات تعصاني
أحيا جسد والقلب مبطي وهو ميت =أجرع قهر وأناشدك وش دهاني
حسره..ألم..وهموم عدت ولاقيت =جرحٍ يبكيني وجرحٍ بكاني
مرات أقول من الهوى جد مليت =ومرات أقول الهم وش له غزاني؟؟
أحيان أقول إني بغرامك تماديت =والقى فؤادي عن طريقه نهاني
أتذكرك في كل لحظه من أقفيت =أتذكرك وأحس بعدك عماني
أتذكرك وأخاف إنك تناسيت =عهدٍ بنينا بيننا بالأماني
عجزت لاأنسى لهفتك يوم ناديت =وعجزت لاأنسى حبك اللي عطاني
وعجزت لاأنسى صوتك إلليا تغنيت = ولا الحضورإللي يزين زماني
صارت حياتي كلها ليت ياليت =حتى طريقي للنهايه رماني
والله مالحظه فبعدك تهنيت = ولاشفت غير الجرح يطلب هواني[/poem]