بوح....ي ؟!

[عبدالله صلال العساف]

اللوحه اللي رسمها واحدٍ للحصان
لاهو ابفارس ولا سيفه ابسيفٍ شطير
في دبلجة صوت ضوضاها ملى هالمكان
صدّق عما قلب فيها واستساقه غرير
جلد الشعر واغتياله واضحٍ للعيان
في مشهدٍ صفّقوله عاشقين الشعير؟؟
واحد يظن المعرّي مطعمٍ او مكان
وآخر ايدوّر ابقاموس اللغه عن جرير!!
اماسي الشعر غادرها الشعر من زمان
ابجمهور يستوعب المعنى ابكثر الصفير!
فيض المشاعر تضحّا من طويل اللسان
في مسرحٍ صغّر اكباره وكبّر صغير
مداركٍ ضيقها واضح وجاله بيان
ابناس ظنّت سنام الامر ظهْر البعير!!