ناكر المعروف

[نواف الغريّب]

[POEM="font="Arabic Transparent,4,blue,bold,normal" bkcolor="transparent" bkimage="./images/backgrounds/8.gif" border="double,4,indigo" type=0 line=1 align=center use=ex num="0,black""]يا للأسـف..... ماكـان هذا الامـل فيك = ولاهي بهذي هقوتي... وإعتقادي

ما كنت أصدق يوم تـخـلف مماشـيك = وعقب الغلا... تقدر تصد وتعادي

بالله كيف....وليه....ضاعـت مباديك = وشلون.. يصبح عندك الغدر عادي

وشلون بعت اللي من الروح شاريك = وشـلون تخدعني... وتخدع فؤادي

تدري...أنا روح وجسد رهن أياديـك = إطلب.... وتـلـقـاني رهـيـن الايادي

تزعل على كيـفك بلا ذنب وارضـيك = وأقول أنا اللي كنت مخطي.. وكادي

أشـــيـــل هـمـك..... وأتحمل تـغـليك = ما ودي إلا يصـبـح الـجـو.... هادي

أرخصت بالغالين من شان... عينيك = ولا جاك مني..... غير صادق ودادي

وفي كل وقـت... يزاور البال طاريك = ولا يـفـارقـنـي....... سـوا في رقادي

ما كـان عـنـدي بالغـلا... من يساويك = حـتـى حـداك بـتـالي الوقـت... حـادي

والظاهر.....إني ما وصلت لـهـقـاويك = الظاهر.....إنه حان وقـت إبـتـعـادي

خـلـيـتـنـي ما بـين هـذي.... وهـذيـك = وانكرتني.. وانـكــرت ملحي وزادي

يمكن غرورك.. والجهل فيك معميك = ويـمـكـن مرادك يـخـتـلـف عن مرادي

كنت أعتقد تصفي مع اللي مصافيك = ولأجـل إعـتـقـادي.. كان كل إجـتـهـادي

يا ناكر المعروف.....ربي يجازيك = سـبـحـانه..... اللي ما غـدا عـنـه غـادي

لا تحسب إنه مايشوفك ويوحيك = يوحيك ويشوفك بياض وسوادي

ماله شريك..... ولا تفكر يخليك = هالحين... ولا في نهار الحصادي

هو الذي يقدر يـمـيـتـك ويحييك = وهو الذي نوره على الكون بادي

وماجاني أكفاني وما جاك يكفيك = ولا عاد تنفع شرهتي...... وإنتقادي

وإن كان في نفسك خفايا وتكتيك = أجمل هدف..... كان الهجوم إنفرادي

وهالحين لو اتقول انا أبيك مابيك = جعله يـسـيل الـسـيل...... في كل وادي[/POEM]