انـــا ياحوبتي (حوبـــه)..

[نجلاء الشريف]

صبـاح /ومســاء يعانق أرواحكم النديه

فساتين الفــرح
تتمنى أن تصل لـ ذائقتكم
/


\

على الله والغلا موته ..كتب لأحزاني الميلاد
..............الا ياوجدها روحي وانا ياحوبتي حوبه

اثاريني ..ماغير اصدّر الهقوه من الميراد
..............واورّد حزن في نوبه واصدّر هم في نوبه




كــــــــــــــــــــــذا!!



كذا ياذكرياتي .. تاخذك حمى ثمود وعاد
.............. كذا.. ياـ أجمل ذنوبي تصك بوجهك التوبه

عسى لاعاد يوم موادع الفرحه عسى ٍ لا عاد
..............اشوفه حلم .. واقسم بالله إنه مرني دوبه

اقلّب في فساتيني وأدورّ وجه للأعياد
..............ولا القى غير طفله نايمه بأحضان لعبوبه

تسامرني النجوم وكل لحظه كانها الجلاد
..............على بيض النوايا .. دنيتي جازتني عقوبه

تعبت اداوي جروحٍ قديمات بجروح جداد
................زماني للأسف : اجمل صفاته تشبه عيوبه

اسامح لكن ديار الضغينه تنجب الأحقاد
..............واعيش بأصدق احلامي.. وانا اغلب ليلي اكذوبه!!!

وله ياليل .. وسنيني تساوى سينها / والصاد
..............وله ياليل .. واضناني الوله واعمتني دروبه

متى بالله .. تلمك ياخطاي التايهات بلاد
..............ومتى الأسفار تعتق وجهي الشاحب من شحوبه

اكابر واتصنّع فرحتي واضحك .. كما المعتاد
.............. اعيش بواقعي صحوه .. واعيش الحلم غيبوبه

اقلّب في فساتيني وأدورّ وجه للأعياد !!
..............الا ياوجدها روحي ..وانا ياحوبتي حوبــه





نجلاء الشريف