[ حَمَامٌ زَاجِلْ ]

[رحيل]

:
وعلى سيرة نجد:

ألّا يا صبا نجدٍ متى هجت من نجدِ
لقد زادني مسراك وجدا على وجدِ
رعى الله من نجدٍ أُناسا أحبهم
فلو نقضوا عهدي حفظت لهم ودّي
سقى الله نجداً والمقيم بأرضها
سحاب غوادٍ خاليات من الرعد*

 

[رحيل]

طار الورق ..
واقلامي جفاف ..
الرسايل بح .. طِر يا حمام ):

 

[صالح العرجان]

ياالله انك لا تعرضني الخطا ياذا الجلال
وانجني من هول يومٍ واصفه .. بالزلزله

واكفني شر الحرام اللي غدا كنه حلال
في زمانٍ صار فيه اللاش راعي الاوله

مشكله .. وتعقدت ياللي عقد رووس الحبال
ياكريم الوجه ترحمنا بحلّ المشكله

لا غدا ربحي خساره .. ليه ادوّر راس مال
دام من سبع السنابل ماحصل لي سنبله

الرجاوي في القصايد وهقتنا في دلال
عذربوها .. وانزلونا منزلٍ ماننزله

عندلٍ تسوى لها طابور من بعض الرجال
بنت شيخٍ مادهل غير النشاما مدهله

هب ياعودٍ مربيها على طيب الخصال
الشرف والعقل .. في وقت ٍعثوا فيه جهله

خيرة الله يازمانٍ لبّس الاش العقال
والمراجل .. مهزله في مهزله في مهزله

الرجال اشكال .. به رجّال يكبر بالتفال
كل ماتتفل عليه يزيد قدر ومنزله

صاحبي .. مابلقليب الاّ حثالٍ في حثال
لعنبو غربه وابو دلوه وابو من ينهله

كل شارب له مقص .. وكل دلوٍ له حبال
وكل علم ٍ له مقام .. وكل عامل وعمله

ياولد حوقان مازام الحمول الا الجمال
والحمول انواع .. وافطن كل حملٍ وجمله

والجعل لا من غدا قتله من ضروب المحال
اقتله بالطيب .. يوم الطيب والله يقتله

ابدوي ٍ من جنوب الدار هيجن للشمال
ان زعل .. قل ياعسى الله مايوريك زعله

في طمانه لا طمن .. يرقى على رووس الجبال
قبل يقرأ الفاتحه .. يبدا بلفظ البسمله

الردي .. وانا كحيلان ايهبا ماله مجال
ايهبا مير ايهبا ولد العجوز الأرمله

الكريم نحشمه .. واما الردي يلقى نعال
لا ولا عمري حشمت الكلب في حشمة هله

كانها بالمرجله .. فانا من قروم الرجال
البلى اني في زمانٍ مايبي له مرجله .. ؟!



لــ شاعرها محمد الدحيمي

 

[سعيد الموسى]

‏إن مرت الشمس
‏تستعجب ...
‏من وين إنتي
‏ووش إسمك ؟
‏قولي لها
‏... مسكني غيمه
‏وإسمي
‏.... قصيده بلا شاعر
‏قولي لها
‏... حبني كوكب !
‏مايشبه الأرض
‏ياشمسه !
‏أزريت أجاريه
‏في وصفه
‏وإن مروا الناس
‏... كرمتّه !
‏كل ماأشوف البشر
‏... غمضّت !
‏ياصغرهم
‏... لا تذكرته !

 

[رحيل]

'
طاير يا حمام مرسال الغرام...
تهدي الشوق لخلّي وتجيب لي السلام*

 

[صالح العرجان]

المشاركة الأصلية كتبت بواسطة سعيد موسى

‏إن مرت الشمس
‏تستعجب ...
‏من وين إنتي
‏ووش إسمك ؟
‏قولي لها
‏... مسكني غيمه
‏وإسمي
‏.... قصيده بلا شاعر
‏قولي لها
‏... حبني كوكب !
‏مايشبه الأرض
‏ياشمسه !
‏أزريت أجاريه
‏في وصفه
‏وإن مروا الناس
‏... كرمتّه !
‏كل ماأشوف البشر
‏... غمضّت !
‏ياصغرهم
‏... لا تذكرته !

كسرة شمس ماهي جمره يا بعد حيي وميتي

🌹

 

[نورة القحطاني]

الشعر لامن بغيته يعترف
بالمشاعر ارتدى ثوب الوقار

 

[عبدالرحمن عبدالله]

‏وفي الرياض حب ونيس
كلما هبت مواسمٌ للسمر
توثبت قبلات على خد
وثغر
وفي الرياض وشاح
همتُ به إذا ما مر الحنين
جنةً من العطر
نميناه روضًا للزهر