سيمفونِيّة مَطَرْ

[سعيد الموسى]

انا مابي ولاحاجه!
ولا آحبك ، ولا ماابغاك !
واذا " ماابغاك " تسعدها
بقول لهالفراق " أهلاً "
مهو لني عليك .. أكذب !
ولا إني " نفيت الحب "
ولو كان الفراق .. أصعب !
يكون أهون ، ولا أعتب !
بلاش من الجروح " أسلم "
هنا .. صدري !
هنا كتفي !
هنا قلبي !
هنا بـ آخر حدود اللاء ..
غديت أشلاء .. تترامى !
وأدور كتف .. مايقسى !
وياسلمى
وياسلمى
ورب البيت ، متصنّم
شعوري كهف ماهو نور
كهف .. مُظلم !
أنا بـ آخر ظلام اللاء
وهي ظلمى
وادور نور !
تعب قلبي وقوف السور
وياما بالصدور قبور !
.
.
إذا هالثوب مو ثوبي
واذا هالوجه .. مو وجهي !
وانا أنظف ، وانا أجمل
وانا من يغرس الكلمه
وتنبت بالسما بسمه
وانا من يبسط إيدينه
وهو محتاج في حينه !
يصير أشقى ؟
يجوز إن البشر ذولا ..
بشر مثلي !
أو اني كائن ٍ آخر !
أو ان الكون ذا .. آخر !
.
.
تجين إنتي بعد .. سكّين !
ومن هالعين لين العين
تبين آحاسبك يعني ؟
وهو غيرك ترك لك .. لحم !
فدا ياحلوتي .. تمونين !
مهو ماني لحم أو دم
ولا إحساس أو أهتم !
انا من طين
انا من طين !
وهذا الطين ، لاتنسين !
بينبت زهر !
وبتمطّر !
واصير أزهر !
ويحييني خرير الماء ..
واصير " أقدر "