غني يا سعيد الموسى ودي اسمع صوت حبرك

[سليمان عباس]

المشاركة الأصلية كتبت بواسطة سعيد الموسى

*
___

صباح الخير
ياأحباب ..
صباح الما .. وهو ينساب
__

وأمّا بعد :
طفلٍ شاب
وهو يبحث :
عن الأسباب !
معه كشّاف - ويدوّر !
عن العدل - وعن المنطق !
وكيف بهالزمن - يشرق
وهو كنّه / بدا يغرب !
وصار أبهت - غدا أشحب
يدوّر " نور فـ الظلمى "
عن الفاعل - بلا فعله !
من اللي كسّر السلّه ؟
وزاد الطين في بلّه !
لقى شيخٍ معه : إبْله !
نشده وقال : يالشايب
لفيت وخاطري : خايب
همس له / وايده بكتفه
ومَد صبْعه - على صدره
وقال اللي تبي
[ داخل ]
إذا صار الجسد
ناحل !
إذا وجهك غدا
ذابل !
إذا عينك لها
وابل !
إذا صوتك حَبل :
نازل !
علامك - تعكس الكشّاف ؟
أكيد أنّه طفى / ماشاف !
تفطّن : ردّه لـ صدرك !
ولاتبحث على :
ماطاف !
تعلّم - تختلق صبرك !
ترى الصحرا :
لها مبدا
تبي إيدٍ :
تكون أقوى !
ولاتظلِم !
ولاتقسى !
تبي عقلٍ : يكون أدهى !
إذا ساء الحكي : يسمى !
تبي صدرٍ يكون : أنقى !
يشعّ :بـ حزّة الظلمى !
-

رفع إيده : على راسه
بقدر الضو - وقياسه
همس له : داخلك ماسه
وعقلك : وين حرّاسه ؟

واما قبل يا احباب
طفلٍ ......طفلْ
شحوبه كان له نعمه
همومه من بنت اسمه
تخيّل لو خرج هالطفل
بيده كلّ ما يحلم
اكيد الحين ما يمشي
لأنه كل ما حاول
تعثِــّرْ خطوته الألعاب ..!
....

همومه من حمَتْ ظهره
وقهره من حفظ عمره
ترى بعض الألم نعمه
نعيمه بـ خيبة احساسه
كوّن داخله ماسه
وصار اكبر
هو الأكثر
من احلامه
هو الأجمل من ايامه
يمنْطِق ( كلمة ) المنطق
تمر بعينه الدنيا
ويتأمل بما حوله
ويتألم
ويتعلم
واصبح يسمع الأشياء
حفيف اشجار
خرير الماء
وخلّا كل شي ينطق ...
بعيد هناك له جوّه
وحاله يقول للعالم
انا المنطق ...!
انا من يطفي او يحرق ..