مهـ،،،،،،،،ـزلــــــه؟

[زويد الرويلي]

اسعد الله صباحكم بكل ماهو جميل...
.
.
.
.

الحاصل أن المسئله ماجت على قد السؤال=مدري السؤال بحد ذاته ما عرفنا نسئله.

يعني لو أنا من سبيل الأمثله نظرب مثال=ونستوعب من الأمثله لأمن ظربنا الأمثله.!

أن قلت لي هذا هبال اقول لك فوق الهبال=نور" على وجه السما مدري من اللي ظلله.؟

عطني يدك واكتب معي واقع ولاتكتب خيال=الواقع اللي نجهله..ما لازم انا نجهله.

واقع كسيف.ومؤسف.ومؤلم.وكله انحلال=وخلك معي على الهوا على الهواء أنـ حلله.

أول قضية عندنا يا جيت تكتب لك مقال=عندك شروط مسجله على الشروط تسجله.

يعني الحقيقه لايجب كما هي فعلا" تقال=اكتب سطر.أشطب سطر.ولب القضية همله.

هذا اذا قلته كذا يفتح على هاذي مجال=وهذا يخليها كذا بعيون (.........) مجلله.؟

وثاني قضية يا عزيز لا أتصال ولا وصال=وخصال" من أرض اليهود..محصله وموصله.

على الهواء مباشرة صارو يذيعون الخمال=تقول كذب...!اقول لك هذا الكلام وعلله.

تطلع مذيعة بالأناقه واصله حد الجمال=وألباسها على الجسم...يوم المصور فصله.

(الردف نابي.....والصدر لله لله الكمال)=وخصر" فسر منه الحيا.وهنا مقر البوصله.!!

أذا التبرج والسفور أحد دواعي الأنتقال=ماهو ظروري ننتقل..بـ النامية للمهزله.

يعني نبيع الدين جهر"..عال لا بالله عال=هاذي حضارة لا حشى لله هاذي مزبله.

وباقي القضايا خلها نبي..أنتخيلها خيال=لأني اذني قلتها.؟ تكثر علي الأسئله.

وانا مثل ماقلت لك ما أحب قطع الأتصال=لاكن أحب الأسئلة؟...تظرب عليها أمثله.!

وختامها وكلتها.......للي عليه الأتكال=الواحد الفرد الصمد ما خاب من هو يسئله.