خفايا الروح

[خالد السويلمي]

في غيبتك غربه مهي أي غربه
..... غربة غريب الروح عن موطن الروح

؟

 

[خالد السويلمي]

يااااااااهـ

كم انا محتاج أكتب
وكم انا عاجز


مع زحمة الفكر والهوجاس
.... ضاعت بالافكار أفكاري

 

[خالد السويلمي]

غريب طبع الزمن وانتي
.... أغرب من الوقت واطباعه
يامن بروحي تمكنتي
....إجتحتي الصدر واضلاعه
يابنت بشويش جننتي
.... إمهرفلٍ ضاعت أسناعه

 

[خالد السويلمي]

يالصبح مالليل حـد ونهايه
.... إسنين ياصبح السعد ماٌشرقت شمس
؟

اممممممممممممم

؟
( إعتراف)

هنا توقفت عاجز ؟

 

[خالد السويلمي]

[POEM="font="Arabic Transparent,5,black,normal,normal" bkcolor="transparent" bkimage="" border="none,5,gray" type=2 line=1 align=center use=ex num="0,black""]ناح الحمام وطوح الصوت زاجل=وفزيت مدري وش جراله من احداث
مدري طرب أو ناح والقلب واجل=مدري هنا والا عنا الوقت له لاث
ناح الحمام وصابني سهم عاجل=وبسباب نوح الورق وقفت منخاث
أخذت لي وقفه بالافكار باجل=والفكر هوجاس التصانيف له خاث
ووجست انا بالروح مثل المناجل=حشت معاليق الحشى حش جثجاث
وناديت ياهل العرف واهل المراجل=صبري قضى والهجس للنار محراث
ردوا علي ويش الذي لي ناجل=معقول لاٌجل الطير لي الهنا إنداث
ومعقول نوح الورق يعني مساجل=والا طرب أو حزن أوذاك ميراث[/POEM]

 

[خالد السويلمي]

[POEM="font="Simplified Arabic,4,teal,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هب الهوى واندار شرقي وجنوبي=وهب الهوى غربي ولا شاق بالي
ودار الهوى واندار وافخت دروبي=دار الهوى وعْـن الهوى القلب سالي
يندار مايندار يانفس طوبي=ماحرك إلْساكن لو الريح عالي
لكن بلاي وبلشتي هي نشوبي= إن جت شماليه تشيل الخيالي
هذا هو جنوني وهذا شبوبي=وهذا شقاي ولوعتي هو هبالي
نعم نعم موتي وميلاد نوبي= إلياداعب إلروح الشمالي شمالي
ودكن هواجيسي بليل وسروبي=على جناح افكار ليلٍ صفالي
وابحرت مشتاق البحر وابحروبي=أشواق شوقٍ من شقى الروح جالي
وأخذت اسطر ماطرى مادروبي=أهل القلوب الدالهات الخوالي
هذا ترى علي وهذي عيوبي=وهذا هواي ورغبتي راس مالي
ولو ذعذعت غربي وشرقي وجنوبي=أبقا شمالي ليه ؟ دمي شمالي[/POEM]

 

[خالد السويلمي]

مافات مات وأول العمر هالحين
..... عمر الشقى ماهو من العمر بـ حساب