سأنفخُ وطناً في بالون..!

[حابس المشعل]

وإن مــّـرني... منك ليل ٍ مايخاف النور
........................ من وين أجيب لعيوني دمع وأبكيلك؟!
لاتسافر....الما يموت..وينشف العصفور
........................ والريح تصمت...وذيبة رملي تعوي لك!
محتاجك أكثر من أوقف والسنين: تدور
....................... وأكثر من إني تعب كل ليله أسري لك
محتاج أفضفض لقلبك عن ثلاث شهور
....................... وعن حلم عاري..... لقى حتفه يغني لك
كل مانسيتك....ذكرك الخاطر المكسور
....................... ياسخف عذري...وياحظ أضلعي بويلك!
جرّب تنام...... بيديك...ولامعاك غرور
....................... لله..جرّب ثواني.......وشف شسوي لك:
بهديك باب.. ودُعا/خفــّاق/شعر/طيور
.......................يمكنك شوي......تدري شكثر حبي لك!
والبارحه......ماهجدت ولاحوتني الدور
....................... ماغير أشـّتم غيابك...وأرجع أشكيلك!
بلحالي..كني.. الفقير وكن زعلْك السور
....................... كل مابغيت أشحذك هجـّت محاصيلـك!
بشويش قل لي:شسّوي ..واجمع المنثور
....................... بس أنت آمر وأنا بهبالي....كلـي لـك!
ودي اكونك....وأنت تكونني ..وبالدور:
....................... أنا أحظنك بُن....وأنت تضمني..هيلك!
ماهو بوقت لتغلي...سيدي الممطـــور:
...................... بالحسن/ ...وأم المسافة تنتخي بخيلك!
العمر:دفتر......وأيام الوصال سطــور
..................... يادفتر العمر.......لاتحرمني سطري لك!
ثلاثة شهور.....والوحدة بليـّا شعور:
..................... تهد بي حلم......وأرجع كلي أبني لك!
لله.....قل لي: اذا مرّيتني بْـ...غرور:
..................... من وين أجيب لعيوني دمع..وأبكيلك؟!