تخاريف!

[جمال الشقصي]

\


همـَـاد..!
1990



[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
همد عمـر النخيـل وخـارت العـوّان=وانا اتساقط (ثلاثيـن)* العمـى والجـور
كثر ما اشعـر بـأن بداخلـي إنسـان=كثر ما احس جوفـي خـاويٍ مهجـور
واحرضني لاسامي النـاس والجيـران=لعـلّ بمنـزلٍ.. لـو منـزلٍ معمـور!
إذا العيشه تحـرْق الصـف والليحان=وش أكتب لا تفحّم إصبـع الطبشـور؟!
يشيـب الدمـع فـي مرثيـة الجـدّان=على الفاضي/ على تعويذة الـ(جنور)!!
واقلْب البيت لحْـد السـور والجـدران=واحـاول لا تمـرّ الخاربـه بالـسـور
لاجـل زرع أول المعـروف للحـيّـان=لاجل وجـه النهـار المنكسـر بالنـور
علـى فكـره.. ولـو تتثاقـل القيفـان=بهذا النص: فكره مـا عليهـا قصـور!
تخيّـل واحـدٍ يطلـع مـن الـدخـان=تنومَس.. بانه المنبوذ يـا جمهـور!!
تخيّـل شـاعـرٍ كـرّاسَـه الاطـيـان=قلمْـه النـار/ ممحاتـه مـن البلـور
هزمْـه النايميـن بقاصـيَ الشـريـان=يَـا ليـت بدمّـه السيّـاف والكافـور
بـلا داعـي اللحـود وطيّـة الأكفـان=بلاش مْـن الشتيـم ولثغـة المحظـور
خلاص اللي هَمَـد يـا نخلـيَ العـوّان=محـال أستنبتـه للمقـبـلات تـمـور
وجـودي بالمكـان لخاطـر البيـبـان=ولا يعنينـي المالـك.. ولا النـاطـور
حبست الطين بجناحي إلـى مـا كـان=من الليله أنا مـا عادنـي عصفـور!![/poem]


:


* هي الوحيدة (أعني الثلاثين القاحلة) من تستحل زهر (الأناشيد) منذ ذلك الوقت الغابر.. حين مارس حزني الكتابة أولاً على ظهر ملخص مادة اللغة الإنجليزية، أو في قلب كراسة رسم الخرائط الخاصة بالجغرافيا العربية/ الغربيّة!



/