عيدنا كان مختلف مع ( الشوي )

[موزه عوض]

هذا اللحم بعد التتبيل ونحن مسوين كمية كبيرة وبأوعية ثانيه

واعتقد خبرتكم عن طريقة التتبيلة وكيفية تسويتها



وهذه صورة ثانيه أيضا








الحين يجي وقت نحشى الخيش وبداخلها ( الخصف ) برمستنا
الخصف تشوفونه داخل الخيشه شكله وهو مصنوع من سعف النخيل
وأجدادنا بالأول ..كانوا يملونه تمر ويباع في الأسوق
وطبعا لازم نضيف خوص النخل ( والحمدالله عندنا نخل بالبيت )
ولازم دائما نبلل الخيش بالماء مع الخصف و الخوص وهذا اعتقد للنار عشان ما يحترق

طبعا هذا كله شغلة الرياييل عندنا
وعيالي ما قصروا وانا معاهم :


هذه صورة الخيشة والخصف




نصف اللحم بطريقة متساويه حتى تنتصف الخيشه او الخصف
ونخيطه بالأسلاك المعدنية البعض منها سميك وبعضه رفيع
ونلفه بأقوى ما يكون حتى ما تتنفس الخيشة ويدخل فيها الهواء

وتكون بهذه الطريقة






وهنا بتكون آخر شكل لها وعليها أيضا شبك معدني ملفوف عليها بعناية





ما اقولكم شغلتنا شغله مع اللحم ..بعيد الأضحى


وطبعا أحبائي نحن عادتنا نشوي بيت بعض من الأهل
بحيث أغلب المنازل والأهالي يشوون عندهم من سنوات طويلة
ويكون التنور ..كبير جدا مبني من الطابوق


كنت بوريكم أو بصور لكم التنور بس ما رحت معهم وكان هذا بعد صلاة العشاء

ويجتمع بالبيت هذا مجموعةمن الأسر والعائلات والأغلب الرجال
لأن بتكون شغلتهم

وهناك يرمى مجموعة كبيرة من الخيش مع الخصف مثل آخر صورة شفتوها
ويسدونها بغطاء كبير ويردم عليها التراب ولا يكون هناك مكان يدخل بداخل التنور الهواء .



والبقية اليوم




ورودي لكم
وكل عام وأنتم بخير





: