[ أمسِيْة البَدِر بِدِر بِن عَبدْ المُحْسِن ]

[فهد حمود]

_ ومن القصائد العذبة التي القاها الأمير .
الجريدة..

ادري وش سر الجريدة

به أحد.. يقطع وريده..

وينزف أخبارٍ جديدة..

وحنا نقراها الصباح..

دنيا مكتوبة ف ورق.. دنيا من دم.. وعرق..

دنيا مجنونه ارق.. وهم..

انسرق.. احترق.. المهم

كلها أخبارٍ سعيدة

وحنا نقر لها الصباح..

لو طبعنا.. صفحة ما فيها خبر..

لا حروف.. ولا صور

صفحة يملاها البياض..

صفحة تملانا بياض.. ما يعكرها الحبر..

كان ذي الصفحة الوحيدة

اللي اقرأها الصباح.. في الجريدة

قصيدة أترامى

أترامى

هذي عاداتي

في كل العمر مرة.. أترامى..

وصدقيني في حياتي..

ما هقيت اني عقاب.. ولا يمامه..

انما لعيونك إنتي..

طرت لاجمل ابتسامة

لين قلتي وين جناحانك..؟

وين جنحاني..؟! وطحت..

طحت من أعلى غمامة..

أنا ما ادري مريت بين أصابعك رمل..

او على خصلات شعرك.. ماء..

كانت غبارٍ وظلما

وكنت أطيح..

وهذا آخر ما اتذكر..

وين ظنك با تجرح.. واتكسر

ف أي رمل.. أي صخر.. او عدامه..

ما هقيت أني عقاب ولا يمامه

انما لعيونك إنتي..

طرت لاجمل ابتسامة

وما ابي غير السلامة

من الجروح.. ومن التداوي

كيف أمس الأرض.. واطيح متساوي

انا صدقت الصغار.. يوم قالوا:

من يحب القمرا يرحل.. لآخر أرض

وينتظر تالي نهار..

ولا ظهر منها شبر..

عانق القمرا.. طمر..

كيف ضاعت كل أحلامي هقاوي..

يوم قلتي: وين جنحانك..

وين جنحاني..؟! وطحت..

طحت من أعلى غمامه..