خرايط ذكرياتي !!

[الجفول]

إنتي ..
ياأروع ..
خرايط .. ذكرياتي ..
فيك أسافر ..
يرفض إحساسي .. الحدود ..
فيك سلطان .. العواطف ..
والسوالف ..
فيك ..
أنفاس الوجود ..
أمطريني ..
بالفرح ..
أمطريني ..
بالبكى ..
تنبت ..
أغصاني ورود ..
عالم عيونك ..
غريب ..
عالم جروحك ..
غريب ..
انتي الكون .. الغريب ..
انتي صوت الحب ..
وأروع ..
إنتي كل العشق ..
وأروع ..
إنتي ..
إحساس الخلود ..
من سيوفك ..
تنبت جروحي ..
تفاؤل ..
في عيونك لي مدن ..
وفي عروقي لك سفن ..
وفي شعوري ..
تزرع الغفوة ..
على صمتي .. قنابل ..!![/color]

.
.
.


أنا متأكد إنك .... ماطعنتيني .... بخنجر زور
................ وإذا كنتي قصدتي مقتلي ... فأنتي نصفتيني !!

إذا غابت سواليفك /. تضيق من الجفاف صدور
................ وإذا جيتي رقص نبضي وغنت لك شراييني !!

أنا اللي كنت أغيب وماحسبت إن الغياب قصور
................ وإذا طال الزمان بغفلتي ../ جيتي تصحيني !!

ترى ماجيت أعاتب قلبك .. اللي مولده من نور
................ أنا جيت أشحذك عفوك .. إذا فعلا ً طعنتيني !!

صحيح إني طفل في عالمك مترف غلا مغرور
................ ولا عمر المسا .. ضيع مداي / إلا حضنتيني !!

وإذا كان الجفا يوجع فَ أنا موجع حشاك دهور
................ ولا عمرك ../ تشرهتي على صدري وبعتيني !!

تحمّلتي عبث شوقي .. وبيت إحساسي المهجور
................ وإذا جيت أشتري منك الغلا ... مني شريتيني !!

أحس إنك مزن عشق ونسيم ٍ في روابي / بور
................ سكنتي صدري المقفر ...../ وصحيتي بساتيني !!

وإذا كنتي طعنتيني .. حشى ماأقول طعنة زور
................ فديتك وابشري بَرخص هديه لك ..../ شراييني !!



ماحد ٍ سهر في جروح العاطفه كثري
........... وماحد ٍ سرى في وريدي . ووجَعّه كثرك !!
من علمك تزرع السكين في صدري
........... وأنا تحاشى مرور الآه في ...../ صدرك !!
إن مات فيني الوفا للحب لي عذري
........... وأنت إن صَحَت ذمتك .. بالله وش عذرك !!
يسعد حياتك مدام الموت من صغري
........... ويسعد لي موتك بسيف الطيش في صغرك !! [/center][/size][/font]







.[/QUOTE]

محمد الفيفي صح لسانك
في كل حالاتك رائع

بالتفعيله

بالمقفى
جزاله ومعاني متفرده
محمد انت رائع حد الدهشه والأبهار

سجل أعجابي سيدي

تحياتي وأحترامي وجل تقديري