إلى كل أنثى مقهورة .... أهدي قصيدتي

[نهار بن ممدوح]

المشاركة الأصلية كتبت بواسطة عيده الجهني

[poem="font="arial,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] لا سَلَّـمْ الله يميـنٍ مِـنْـك صادَتْـنـي =يا مدمـي الهامـه الله عَنْـك مرفوعـه
أعياك راسـي وطـاوَلْ للسمـا مَتْنـي = وانت اسكنَتْـك الدنايـا جحْـر يربوعـه
ماني بمثلك سحابـي مـا يجـي هَتْنـي = أنـا تـرى وابـلٍ جَـرّتْـه مَتْبـوعـه
وان كـان الانـذال عابَتْنـي وْسَبَّتْـنـي = الوَرْد يغري دبيب القـاع فـي ضَوْعـه
أنعمنـي الله عليـك ورام بـك فَتْـنـي = والتِبْـر بالنـار يُجلـى للبشَـر نوعـه
دِنْيَـاً علـى غيـر مشهاتـي تولّتنـي = وانا على السِّلْـم الاوَّلْ واتْبَـعْ سْنوعـه
كم نوّخَتْ بـي علـى اللوعـه وْخَلّتْنـي = أظما وعـن جَمّهـا رِجْلَـيّ مَمْنوعـه
فيها كمـا الـوَرْق للأغصـان حَدَّتْنـي = يبكي وهو يطـرِبْ المشتـاق بِسْجوعـه
وانا على الشوك مـن مبـداي مَشَّتْنـي = ولا هي بتصفى وعمري يَطْوي شْروعـه
للقاف من غِمْدهـا الموجـوع سَلّتنـي = لين انثنيـت لْحَشـاي آدوزِنْ وْجوعـه
كـم وَقّفتنـي علـى الأطـلال وابْكَتْنـي = على رجا فَجْرها اللـي مبطـي طْلوعـه
آشِـبّ نـاري علـى النايـف وْشَبّتنـي = بالله وش حَيّ تصلي جوفـه ضْلوعـه؟!
خَلَّيـت مـا لـي حبيـب خْطـاه لَبَّتْنـي = والريح تدوي وطنْـب البيـت مَشْلوعـه
وشلـون كَـفٍ روَتْ جالـي وْلَمَّتْـنـي = رَدَّتْ على الروض الاخضر تَحْرِقْ زْروعه
والنـاس هـذا شفـوق وذاك يبهتـنـي = والسوّ لـه كلمـةٍ بالنـاس مسموعـه
أقفـت ركـاب المـودّه مـا تحَرّتـنـي = لين أشْهَبْ اللال جَـز الرَّكْـب وِمْتوعـه
ما بين يَمْنَـيً سطَـتْ وِشْمـال لَفّتنـي = حب انطوى بالعـذاب وْبَـادَتْ شْموعـه[/poem]

عيده الجهني
1426هـ

الشاعره الرااقيه عيده الجهني

كم انتي رااائعه

نص شامخ حد السماء

وشاعريه فاخره

انتي فعلا سفيرة الشعر
النسائي
الشعر معك بألف خير

ودي وردي

 

[سطام مشهور]

ل عيدة الكثير من الفطنة

والعذب من الكلااام

له الشعر بجناح طائر ملائكي

ولنا الانصات حتى يفيق الكلام

عظيم تقديري لك

 

[سالم الصاطي]

يكفى من الاشاده بالشاعر عيدة الجهني
لان اي اشاده متوقعه ومسبوقه كما العاده

شاعره لا يختلف عليها اثنان


اما التحفه النادره الشعريه فهي منجم للذهب



قصيده حزينه للشاعره
مفرحه للقارئ



ابدعتي يا عيده

اعجابي اللامتناهي

 

[سعيد الموسى]

للشـــــــــعر !



رسالتك تنبض بالشرف ياعيدة , وبالشعر !




رائعة وأكثر في هذا النص !

 

[عبدالعزيز العميري]

عيدة الجهني / قامة شعرية

ينحني لها الشعر احتراما وتقديرا

كنت هنا
حيث اللغة الشعرية العذبة
وحيث الصورة الرائعة جدا

التي لاتشابه إلا ابداع عيدة

رائعة بحق