ارتجاليات..

[بندر الصقر]

المشاركة الأصلية كتبت بواسطة رضوان الهاشمي

لك يا عويمر

الحروب اشكال يكسبها رهان
والسيوف اللي تسل الها طمور
من شهر سيفه على وجه الانام
ماغشاه السلم يبنيله قبور
الشعر حربٍ تجمعنا لسان
والمحارب شاعرٍ عزمه صبور
لاتعزوى عزوته لبّت اوان
عزوتي ربٍّ دعيته لي ستور
مانخاف الحرب لو عشنا الامان
وما قبلنا الذ لو عشنا دهور
مصقل اسيوفي وغايه لك تبان

والتحدي شان روضها بحور

يا سلام يا رضوان ياسلام ..


من قبَل يحيا حياته بالهوان
........... يبني بيوته على انقاض القبور
للتعامل بالرقي فات الاوان
........... شوف واقعنا دبورٍ في دبور
لاجل دمعة طفل في غزة مهان
........... يلعن ابو الشعر لابوه الشعور
من نحر حريته لاجل الامان
........... مثل من يزرع حديقة بأرض بور

 

[بندر الصقر]

^
نسيت اعتذر لتطفلي يا رضوان ..

 

[رضوان الهاشمي]

الله يعز مقدراك يالعويمر
وشكرا تليق بكل متابع.....




انت شاعر عذب اطقت العنان
يالعويمر يالسمي فاح البخور
ماكتبتك الا توطيد وخوان
صفوتك شاش ومعانيكم نهور
رفقتك تبقى على صدري بيان
بيننا خوّه تغذيها جسور
ياسلام الله على رجلٍ مصان
كلّ قولٍ راسخٍ باسه جذور
مثل ملْكم صفحتةٍ إلنا ثمان
يطرق اشعاره ويغرس له بذور
ينتظر مشراف نورك بس عشان
تكتمل شعلة مجالسنا بنور

 

[رضوان الهاشمي]

استاذي بندر الصقر
على راسي يالغالي مشرفناااا
انت صقر

 

[عبدالناصر الأسلمي]

موضوع جميل واكيد المشاركة فيه حلوة

 

[رضوان الهاشمي]

المشاركة الأصلية كتبت بواسطة بندر الصقر

يا سلام يا رضوان ياسلام ..

المشاركة الأصلية كتبت بواسطة بندر الصقر

من قبَل يحيا حياته بالهوان

........... يبني بيوته على انقاض القبور
للتعامل بالرقي فات الاوان
........... شوف واقعنا دبورٍ في دبور
لاجل دمعة طفل في غزة مهان
........... يلعن ابو الشعر لابوه الشعور
من نحر حريته لاجل الامان
........... مثل من يزرع حديقة بأرض بور

صح الله لسانك يامبدع..

لك

بندر..اللي باع حريته جبان
......................والعرب كم قالت انها نسور
بس تقلب صفحة الماضي عشان
......................تكشف اوراق الحقايق والستور
كم تنازلنا تنازلنا هوان
......................والدموع تصبّ من حرّ الجمور
لجل كرسي ضاع طفلن من حنان
......................ولجل عزه كم تناسينا الشعور

رضوان

 

[حاتم منصور]

ممكن أشارك

عبدالله العويمر

متصفح يشع بالجمال كجمالك ياعذب
وبحضور العديد من الأسماء التي أحبها

إلى بندر الصقر

[poem=font="arial,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]

ليه يا بندر علامك عليه=نسيتني والا مواعيد عرقوب
خليتني أحلم صباح وعشيه=قلت لي تعرف هالربّ والروب
صدقت وجيت أركض وانا فيديه=ورد ٍ حمر ورد ٍ مثل لون هالثوب
وربي شاهد فيني نيه مطيه=خايف أخقق عندها وأنثر الكوب
وَصفوني بيتها بختريه=ورحت أدور بيتها بحارة الطوب
ومن شفتها هجيت ادور فضيه=اصيح كني مسني جن مضروب
يشهد الله الطول كالفيصليه=ولاحسبت العرض مايلحقه ثوب
صحيت من حلمي ماعندي نيه=واتوب عن كل البنيات باتوب

[/poem]

 

[عبدالله العويمر]

المشاركة الأصلية كتبت بواسطة رضوان الهاشمي

الله يعز مقدراك يالعويمر
وشكرا تليق بكل متابع.....




انت شاعر عذب اطقت العنان
يالعويمر يالسمي فاح البخور
ماكتبتك الا توطيد وخوان
صفوتك شاش ومعانيكم نهور
رفقتك تبقى على صدري بيان
بيننا خوّه تغذيها جسور
ياسلام الله على رجلٍ مصان
كلّ قولٍ راسخٍ باسه جذور
مثل ملْكم صفحتةٍ إلنا ثمان
يطرق اشعاره ويغرس له بذور
ينتظر مشراف نورك بس عشان
تكتمل شعلة مجالسنا بنور

صح لسانك وقلبك يابعد قلبي


شاعر جميل يارضوان
محبتي