البحر .. جينا ورحنا منه للـ بيد

[ظافر الهرمسي الهاجري]

كل عام وأبعاد بخير

كل عام وأنتم بخير

:

الحزن فيك أجودي والشاهد العيد

مقفي له أسبوع ولـ أنت بحزنك أمعان

والشارع اللي عليه تمر .. يا ارشيد

في كل يوم ٍ يزيد أحزانه أنسان

لا من نساك الزمن فـ انسى التناهيد

بيت الزمن موحش وأحلامه اجنان

شفني ليا صارت الذكرى مواعيد

تدق باب الجفن وتستاحش أعيان

وشفني لـ مريت جنبك والعصى بيد

اومي بها كني إلا .. صرت عميان

احاول أخفي دموع الأمس ويعيد

شريط في خاطري من ضحك رَزان

يا ارشيد عيدي وعيدك جب ْ لنا عيد

نضحك مع الناس وإلا قلوبنا أحزان

همك قريب ٍ وهمي قريب وابعيد

تِسولف وكن بك ضيقة وحرمان

وأنا لـ سالفت جبت السالفه صيد

أوزن لك الحكي وزن و وزن ميزان

ضي القمر والقصايد والشواريد

هي صحبتي الطيبة يا عالي الشآن

نكبر وتكبر تجاربنا .. بلا .. قيد

ونعيش وتعيش فينا بدون عنوان

البحر جينا ورحنا منه للـ بيد

وأرزاقنا بيد رب الأنس والجآن

ونكبر ونلقى أصاحيب ومناقيد

وهموم تملأ الصدر من دون حلفان

ولا صار لك في قلوب الناس تمجيد

حذراك من موقف ٍ تسريه خسران

والناس واجد مثل ما قلت وآزيد

يا كم شجاع ٍ غدا ذا اليوم عجزان

أيام وأظروف وأسرار ومواريد

مـ حد ٍ روى من جسد سلمى وعطشان ؟

ويا ضحكة الخبث في ثغر التجاعيد

تشبه حضور العزى في لبس فستان

تنسى وننسى وبعد العيد به عيد

وإلا كما كان يا ما كان ما كان

ولـ أقفى بك الحظ تلقى اكثار جحّيد

وقف .. وحلل مشاويرك يـَ .. ذيبان

والسالفة عيد مرّك جعله اسعيد

باكر تشوف المساء بــ أشجاره الزان

:

:

ظافر الهرمسي الهاجري 18 : 09 : 2010 م