باكر العيد

[خلف المهيلان]

اخترت لــكم نصوص خالده وشعراء خالدين
عيديه كتبها اسعد بسمكم كلكم
وكل عام وانتم بخير

 

[وليد بن رشيد التميمي]

قرب العيد مدري من متى وْكم عام
واجمل الشعر يصبح عند حسنك قبيح
،،،
صح لسانك وسلمت َ.. ومبدع لاهنت
دمت بخير ..

 

[نادرة عبدالحي]

قرّب العيد وحدي في شموس الكلام = بالمراقيب اغني وآنا توّي جريح
الفضا ضايق ٍ بي جيت افج الزحام = والمبــاني قبور اتْضم الاحيا وْتْصيح
في زحام الشوارع لو ينوح الحمام = الهديل المُعّتَق يسمعونه فحيح
كيف ابلقى عيوني والأماني ظلام؟ = وكل نجم عشقته قبل اضمه يطيح !
قمت ادوّر بوجهي عن زمان السلام = وبالوجوه الغريبه عن مكانن فسيح
ريحة الطين وجهك, وجهك اللي ينام = في (قواويش) حزني , بالمكان المريح
ابدويٍ خـــذتّه... فلسفات الرخـــام = راح يصنع زخارف بالكلام الفصيح
عنده العيد ..فجر,ودق نجر,وخيام = سكر احمر , وعطره ديدحانٍ وشيح
خص يومٍ يغازل راس عليا غمام = أو يصافح قدمها عشبٍ اخضر وريح
قرب العيد مدري من متى وْكم عام = واجمل الشعر يصبح عند حسنك قبيح
باكر العيد مدري وين طار الكلام = من بساتين قلبي وآنا توّي جريح
يعني العيد باكر ! كيف اصدّق وانام ؟ = عيد من دون وجهك..كذب ماهو صحيح

باكر العيد مدري وين طار الكلام = من بساتين قلبي وآنا توّي جريح
يعني العيد باكر ! كيف اصدّق وانام ؟ = عيد من دون وجهك..كذب ماهوصحيح


كلام قابع في قلب كل إنسان فقد عزيزه \ عيد من دون وجهك كذب ما هو صحيح
تأتي قصيدتك والأمة الإسلامية موجوعة بسبب ما ألت إليه الظروف
كل عام وانتَ بالف خير شاعرنا الفاضل .