سيمفونِيّة مَطَرْ

[سعيد الموسى]

*
*
ياصباح الخير
يدّك !
ياصباح الورد
خدّك !
ياصباح الطيبين !
ياصباح الطاهرين !
يسعد الله نون عينك !
وش كثر ناصع جبينك !
*
يسعد الله كل يومك !
ياصباح الورد أهلاً !
*
تو مانوّر صباحي !
تو ماطابت جراحي !
*
أسمحي لي
بس أبحكي !
بس أعبّر !
أو أثرثر !
مايهم اللي تقولي !
مايهم إلا : أحبك !
ياااااااااااااااه وش كثر الحكي !
من عيونك يستحي !
*
*
لاتقولي أي حاجه !
أسكتي خديّك تكفي !
*
أحسب إن الفم وحده
هو مكّفل بالحكي !
من يقوله ؟
من يظنّه ؟
أشعر بخدك ... غنا
بلبل وشادي وما !
أي ما ؟
أي أي ؟
قولي بستان الحكي !
قولي زهورٍ وريف !
*
*
أشعر إن الحكي عفوي !
من تقولي : إنت كيفك ؟
آآآآه كيفي ؟
إنتي كيفي !
إنتي كلّي !
إنتي .... إنتي !
يخرب الله بيت بيتك !
من لفيتيني / غرقت !
صرت أغني !
صرت شاعر !
صرت أرسم !
صرت أسهر !
صرت ..... أو هذي تكّفي !
ودّك أسكت ؟
طيب أسكت !
بس قولي لي / أحبك !
مو أنا طفلك ....
بربّك !
لا تقولي أي حاجه
بس قولي لي : أحبك !