[ .. شتات .. ]

[محمد البدراني]

.
.

المسافة صوت
ماهي دروب و سفر
والخطاوي بوح
ماهي ساقين و متر
سافري بي
لا تغيبي
خلي الخطوه حكي
و اوصلي دار الكلام
وافتحي للحب شرفه
ما اعرفه
والله صدفه
كل المواعيد
والعيد
انا البعيد اللي وصل قلبك و هزه
وطاح بيدي
يالله امشي
لا
لا
المسافة صوت " احكي "
قولي
قولي
يا حبيبي

 

[محمد البدراني]

.
.
ايه جيت
بنفس المكان
اللي جمعنا " و انتهيت "
و ابتديت
كانت النظره " احبك "
كانت اللهفه ييديك
وش حكيت
طاح الكلام
ولا لقيت
الا غيابك .. وامنياتي .. والظلام

 

[محمد البدراني]

.
.

و من غيرك " اماني "
يشغل عيون المكان
والزمان
والدروب اللي جمعتنا
والحنين اللي فقدنا
مالهم غيرك " امان "

 

[محمد البدراني]

لا احمل عذر .. احمل صدفه .. علها تشفع !!

.
.


كانت معي في طرقة الليل والبيد
مراتٍ اقدرها و مرات صلفه

خوة حنين وصوت عابر وتغريد
لـ وجه الصباح اللي عرفني واعرفه

ما كنت ادور للمحبه مواعيد
حنا التقينا فجر الاحلام صدفه

غنيت في وصلك من العيد للعيد
و يديك كانت للجفا اليوم شرفه

يا قلب لو تسمح كفايه تناهيد
لا غاب صك ابواب ذكراك خلفه

لا تنتظر حلمك بكف المقاريد
اسعى لو انك تخسر بطيش نصفه

وجة الاماني مكتسي بالتجاعيد
وبنت الحظوظ باخر الليل ترفه

لا تتعب بـ طرد الهوى والمواعيد
ما يجتمع " قلبين " من غير صدفه

 

[محمد البدراني]

ميلادها يرتب كل شيء حتى " الشعر "

.
.


لا قلت احبك تذبل زهور خديه
بنت الحيا واخت الحمام الخجوله

موته خذاني من يدي لـ اخر يديه
مملي غنج واحساس غيم وطفوله

ريح النبات وسكر الوقت / لبيه
لحن الحياة وملح عمري قلو له

وجه الصباح وشمعة الليل والتيه
صوت المطر نسمة رذاذه هطوله

مافيه شيء الا يمره ويعطيه
نصفه جمال ونصف ما اقدر اقوله

له ضحكتن ما تخضع لـ اي تشبيه
وله ونظرتن تجبر قلوب مغيوله

لامرني رددت يالله تحييه
يا هيبته يا رقته يا ذهوله

اجيه والله يابشر كيف ما اجيه
لو بيني وبينه سيوف وحموله