تعال واكتب حالتك/لحظتك شعراً ..!

[سعـد السعـيـدي]

:
ماكنت أبالغ يوم جيتي../ ودنقت..؛
ولا كنت أكابـر في ثقل مرحبا/بك

غَصْ الكلام بنبرتي لين أيّـقنت..؛
ان العيون أحيان تنطق../ هلابك !

س/س

 

[فاطمة ناصر]

الزعل : غلطة حبايب قلب من قلب إنصِدَم . .
__________ والرضى ساكت ، وعزة نفس تتثاقل سماح !

ياحبيب الجرح . . شوف إحساس محبوبك ( عَدَم ) :
__________ ما يحس القلب في جرحك وهو كله جراح !

كان في وجهك بقى لك دمعتين ، وفيه دَم ؟
__________ هذي [ هُدنه ] نتّفق بـ شروط وننساه اللي راح . .

يا أجي أرضك . . وأترك فيها لي بصمة قدَم ،
__________ أو أصد وأكتب عليها : ( أرض مافيها صلاح ) !


ل، أحمد الصانع ...\

 

[بندر الصقر]

ضيف وبقاعة فخمة وابتلوك المعازيب بكاس عصير طول ساقك والعصير ماتشربه الكلاب _ اعزكم الله _
ومافي مكان تحط عليه الكاس وترتاح من ثقله واضطريت تشرب العصير على مضض وجا دور انتظار الساقي يجي ياخذ ام الكاس الفارغ من العصير اللي اساسا منيّل ..
وتنتظر وتنتظر .. حتى تقرر انك تعترض طريق الساقي وتعطيه الكاس ..

الضيف : أنا


كأس العصير: حياتي


الساقي : ملك الموت

 

[محمد الغشام]

,

وش علينا لو طرى حب واماني
... ... ... وش علينا لو تجيني أمنيات
ماعرفت الجرح في حس الثواني
... ... ...ولا عرفت الروح لو هي اغنيات

 

[حاتم منصور]

[poem=font=",6,firebrick,bold,normal" bkcolor="transparent" bkimage="" border="none,4," type=1 line=1 align=center use=ex num="0,black""]
حتى لو غضب منّا سحاب ٍ/ شايف العاصي=يجوز إن المطر رحمه / لكن الرحيم أرحم[/poem]

 

[محمد الغشام]

,


أذكر انْي لو اجيبك للسمار
... ... ... راح وقتي للمسا وأقطف محب
لاتناظرني انا مالي انتظار
... ... ... مات عمري والاماني للتعب

 

[عبدالناصر الأسلمي]

ومن عجب اني احن اليهمو
واسأل عنهم من ارى وهمو معي
وترصدهم عيني وهم في سوادها
ويشتاقهم قلبي وهم بين اضلعي

 

[حنان العصيمي]

ميخالف ارحل بس لاترحل بعيد
ميخالف اهجر بس خلك بداري

ميخالف اعشق الف عذرا من الغيد
ميخالف اجرح ، بس حاول تداري

أنا عقب فرقاك ما مرني عيد
العام ذا من كل الأعياد عاري

يا صاحبي لا تكثّر العذل وتزيد
معذور الأعمى لو مشى الليل ساري

بابيع عمري لك من غير تحديد
عمري رخص من يوم شفت انكساري

عقبك- قسم بالله- مدري وش اريد
أبنتظر مابي ثمن لانتظاري

واتركني أغرق في بحور التقاليد
إرحل وسافر بس خلك بداري

عابرة سبيل